يا سلامي سلامٍ يسعد اللي قراه=ردةٍ للعرب من ضامرٍ صافيه
وكل رجلٍ يجي في موقفه ويحماه=في نهارٍ جمع خيال مع راميه

مرحبا عد ما نجم ,, سطع في سماه=في حلال تلم العالم الوافيه
كل رجل يشب النار يسعد مساه=مار ليته يحدد وجهة القافيه

دمت يا شاعرٍ بيّن من اول نباه=في مجيه نبا نهديه بشتٍ ضافيه
دام فالملعبه لابد نبحث خفاه=والمعاني كثيره كلها ساميه

كيف تهدي وتعطي للرجال العباه..؟=وأنت سترك علاها قدم واخلافيه
ما أنت عارف لك الله صاحبك وش راه=دام وانا مع العراف ..عرافيه

صاحبي وش بلاه وصاحبي وش دهاه؟!=ما يبا الستر يالله انك تعافيه
مانسبك..ولكن صاحبك وش جزاه=راعي الطيب ليه تقوم وتنافيه

سترنا للكريم اللي جزيل عطاه=يوم بعض العرب نستره بلحافيه
كل واحد جزاه اللي,, تقدم يداه=والنوايا عساها بيننا صافيه