|
بيوت الشعر / للشاعر نايف بن حليمه
بيت الشعـر مع هـبة النسمة وغــيمة مطــر ورعـــود 000 ومــزن تــرزٌم والمـطــر يسـبـق رعــوده وبـرق يلـوٌح فـوق دار الكــرم والجـــــود 000 وسيــل بـهـآك البـيــــد يازيــن مــــردوده وشوفت فياض الخبت تنسف من المردود 000 وجـرف السـيـول القاع تـرسـيـم لحــدوده وريح الخزامي والنفـل يطـرب المـوعــود 000 وروض خضر تشرح صدور الملا وروده وريـم الفلا بالـروض يمـشـي بلا مـــردود 000 مربٌع بوسـط الـروض والمارد عـــــدوده وطيــر الحبـارى لامـجـفٌــل ولامـطـــــرود 000 وجـملة طيــور الصيــد ماقيــل مطـــروده وصفت دلال صفــر والمدخـنـة والعــــــود 000 على جـال جمـر يـتهـب والغــضـى عـوده وحـر لـه الصـقـار يـطـرب بـدون حــــدود 000 وبيت الشعر مـبـني والاطنــاب مـشــدوده وشيــخ نشــا من طلعــته عاشــق للـــذود 000 يتابـع مـرابـعـهـا ويـتـبـع رضــــــــا ذوده تحمـل صـواديف الدهـر من عنا وبــــرود 000 يـقاسـي سمـوم الوقـت ويقاسي بــــروده تحصل عنده علوم قصايدها عليها شهـود 000 وتلاقي عـنده الحشمه وتقديـره وماجوده ويتهجٌد بنصف الليل يسهر والعباد رقـود 000 يبي يكسب رضا ربه وغيره طاب مرقوده حفظ جل الكتاب وطبق السنه بلا منقــــود 000 كسب قولت نعم من طلعته وافعاله شهوده يجير المستجير اليا التجابه تايه مضهــود 000 وكـم من حرمة ثكلا ولدهـا اطلـق اقيــوده تنومس به رجال للمراجل طالبيـن الــزود 000 وينعـم به على طيبه رجال تفـرح بـــزوده شعر/ نايف بن غزاي بن حليمه (( امير القوافي2006 )) |
امير القوافي
يعجز لساني عن مجرّد التعبيـر لـ نصك الرائِع وصف جميل ومخيّله واسعه لله دررررك من شاعرر لاهنت يابن العم .. |
أمير القوافي .. صح الله راسك على الابداع والشموخ .. قصيده تفوق الوصف .. تحيتي واعجابي لك ... |
اقتباس:
اخي العزيز عناد الحزيمي سعدت بمرورك على قصايدي واتشرف بك تحياتي |
اقتباس:
الاخ العزيز محمد العتيبي اتشرف بمرورك على قصايدي الله لايهينك تقبل تحياتي |
الله لا يهينك يا امير القوافي
على الموضوع الطيب تقبل مروري اخوكم ذيب الدعاجين |
اقتباس:
الاخ الغالي ذيب الدعاجين الله لايهينك يالذيب واسعدني جدا مرورك ودمت بخير تحياتي |
اقتباس:
السلام عليكم ورحمة الله وبركاته انت شاعر لايختلف علاك اثنان وسمعنا عنك الكثير وقرانا لك اكثر من قصيده ويعلم الله ان كل قصايدك جزله ولكن لي ملاحظه بسيطه على هذي القصيده اول القصيده عشره ابيات على بحر وخمسه ابيت على بحر اخر وانا اعتقد 100%100 انك تختبر شعراء منتدى عتيبه الهيلا واترك المجال للشعراء والمشرفين |
مع اعظم تحية للاخ النشمي اسعدني جدا تواجدك وابداء نقدك وملاحظاتك الذي لن تذهب سدى فانا اتقبل الملاحظات واستفيد منها فشكرا لك على مصداقيتك مع نفسك اولا ومعي ثانيا - يعلم الله انني افتخر بفكرك النير ويسعدني متابعتك لقصائدي ونقدك وابداء مرئياتك حول ما اطرحه 0 فشكرا لله سبحانه ثم لك تقبل احترامي وتقديري ومعزتي |
| الساعة الآن »11:43 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd