المشاركة الأصلية كتبت بواسطة بن غايب العصيمي (المشاركة 607839) والله انك صادق وتقبل مروري

المشاركة الأصلية كتبت بواسطة هاجس الشعر (المشاركة 607879) انشهد انه شاعر والله البارح امتع الجمهور هالشاعر المبدع

المشاركة الأصلية كتبت بواسطة فواز العتب (المشاركة 607543) ا الذيب كانه ذيب .. يدرع بالذياب <> يخلي الخرفان للضبع العويق [/size]

العام خذت البيرق و صدت العقاب=يوم الرجال حلوقها من دون ريق
اسرجت شعري و الجماهير الزهاب= سنادي بلاد و جماهير و صديق
وحوّلت في الوادي و هو دونه ضباب=مدري ورى الوادي مطر وإلا حريق
كم فارسٍ وده يحوّل غير هاب=يستوحش الماخوذ لا شاف المضيق
اقدمت و الفرسان ترتاب و تهاب=اجرّي الهيّاب و اقزّ الطريق
و مثلت داري بالقصيد و بالجناب=من الشمال للعديد الى العريق
ترابها بالحس ما أحسه تراب=وحزومها تسوى الزمرد و العقيق
و مثلت راية من تلين إله الرقاب= صليب راي و كفو و حجاجه طليق
ممشاه للعليا ذهاب بلا أياب=الشيخ أبو مشعل حمد علمٍ دقيق
ومثلت كل الشعب من شايب و شاب=بدو و حضر تاريخنا عز عريق
و مثلت ربعٍ في الوغى مخلب و ناب=مريّة تاريخنا ماهو لفيق
حن مزبن اللي لا يجار ولا يثاب=و حن فزعة اللي ذودهم راحت وثيق
اقدامنا جبال و عمايمنا سحاب =و امجادنا تشبه سهيل إلها بريق
و مثلت يام بكبرها و الانتساب=إلا بني همدان نجم له شعيب
الله خلقنا سيلٍ متونه هضاب=كل السدود يحطها حبٍ دقيق
شاركت متوكل على من شلح قاب=و حزامي من الشعر والعدة يضيق
و طرقت بيبان القوافي باب باب=و قدمت ما شفتوا جميع إنه يليق
و حشمت اذانيكم عن إسقاط الخطاب=و رقيت بايديكم على قمة طويق
و وعدت داري بالفخر قبل الكتاب=و وفيت بامر الله بالعهد الوثيق
و سترت بافعالي مزينة الخضاب=و قهرت عدواني و نومست الرفيق
و لطم بعيري شوط واحد للركاب=يقوم راس و ينتهي ماهو زريق
و من كف ابو خالد تسلمت النصاب=من كف من عينه على القمة تويق
شيخٍ يروم المجد و يروم الصعاب = خلى الشعر من نومة الغفلة يفيق
و اليوم لا و الله شفت القاف شاب= صار الشعر كورة و كلن له فريق
و ضاع الهدد بين الحديّا و الغراب=و ضاع الصهيل –مكرمين- من النهيق
إلا الرجال اللي قصايدهم عذاب=اللي لها معنى بها حس رقيق
لا تشعل الفتنة ولا تطرد سراب= ولا يرقع ما نقصها بالزعيق
بس العرب ماعاد تدري بالصواب=ماميزوا ويش الزفير من الشهيق
من جاب ضيعة قيل شوفوا ويش جاب= أنا أشهد إنه جاب له معنىً عميق
الذيب كانه ذيب .. يدرع بالذياب=يخلي الخرفان للضبع العويق
ما جيت أنافس جيت دعمٍ للشباب=و فوزي دمه على عاده القمة يريق