القصيدة التي يلمح أنها سببا في قتل الامير طلال الرشيد....
 

يا صغيّر ما يكبرني لقب ***وما يصغرني إذا انكرني صغير
ما خذينا الصيت من جمع الذهب ***ولا نسابة شيخ او قربة وزير

كاسبينه من هل السيف الحدب ***الجنايز كان ما جاك النذير

صيتهم نجم ٍ على رأسه لهب ***سمعوا الصقهان به واجهر ضرير

بالوفا تاريخ أبيض ينتصب ***لا حكوا بالحق حيين الضمير

ضيغمين للسناعيس انتسب ***لابةٍ طلنا بها عرش كبير

عند حدك يا كثير الهرج تب ***لا تمر النار وثيابك حرير

كان لك عز بذلي فتعقب ***والله ألا تبطي وحبلك قصير

احسبنك من صناديد العرب ***واثر ساترتك عباتك ياغرير

ما حسب للسوس زراع القصب ***والقراده ما درى عنها البعير

ولو حسبنا للحسايف والتعب ***ما بذرنا يا العصافير الشعير

عن هللك ابراي لله واحتسب ***الرجال اللي مجاراهم عسير

من قريش المصطفى وابو لهب ***والدغالب ما غشت عذب الغدير

للرجال من الرجاجيل العتب ***والزكاة تحل في حال الفقير

لعنبو وقتٍ غدينابه حطب ***تحرقه نار يثورها اجير

ما ألومك والزمن سوى العجب ***هو بقى غير الكرامه بالجفير

ما أذل وراسي يشم المهب ***لو بقى من شمر طفلٍ غرير

ما اهاب ولا يزلزلني غضب ***الشجاعه ورث العاقل عزير

يا صغير ما يكبّر باللقلب ***غير من هو كان من دونه صغير

رحم الله الشاعر طلال الرشيد
و غفرله و اسكنه فسيح جناته
ابو نواف رجل قبل ان يكون شاعرا
نعم انا العين دمع و القلب يحزن ولكن انا الله وانا له راجعون
اما القصيدة فقد كتبها المرحوم باذن الله قبا اكثر من 7سنوات ولا علاقة له بذلك
والسبب ان الحدث لم يقصد به طلال بعينه المنطقة كانت ملغومة وممنوع دخولها
لوجود جماعات و عصابات بها .

مشكووووووووووور يا اخوي قتى الجبل على القصيده لاني من زمان وانا ادور عليهاا
والله يعطيك العافيه.

مشكور اخوى فتى الجبل على القصيده

والله يرحم الشاعر طلال الرشيد واموات المسلمين اجمعين

الله يرحم الشاعر الامير/طلال الرشيد واموات المسلمين اجمعين وحسبنا الله على من

كان السبب في مقتله,,,,,,,,,,,,,,,,:confused::confused:


ما ألومك والزمن سوى العجب ***هو بقى غير الكرامه بالجفير

الله يرحم الفقيد بواسع رحمته وجميع اموات المسلمين
وشكرا على توضيح سبب مقتله """"