يالله ياللي خالقاً كل الاجناس=علام ما في البينه والخوافي
بقدرتك الكون كله بمقياس=من عظمتك ماصار فيه اختلافي
وخلاف هذا جبت حبراً وقرطاس=اغوص في بحراً قراحاً وصافي
نتعب على اللولو ونتعب على الماس=في أقصى بحور الشعر أجيد احترافي
وأن نلبس المعنى من الجزل بلباس=يهدى على راعي الوفاء كل قافي
سلام ياللي سمعته ترفع الراس=في قمةً بالطيب ماهوب خافي
حراً على وكره ليا عد قرناس=يصيد ماينصاد فعلِ يشافي
لا عمست الارياء والارياق يباس=ماخاب من ينخى الشجيع السنافي
عبد العزيز بن سعد طيب الساس=أمير وابن أمير والجد وافي
ابن جلوي اللي على قب الافراس=يرو الرماح مع السيوف الرهافي
ابن جلوي اللي اخذها بنوماس=غصباً على الحساد والفعل كافي
ابن جلوي اللي على الخصم قد داس=قولاً عليه أثبات ماهو زيافي
يزيح ماينزاح في العلم نبراس=صنديد في يوم اللقا مايخافي
شجرة وفاء ماهساها كل هساس=كم شيخ شاخ بظلها قبل حافي
كسابة الطالات لباسة الطاس=في المعركة يرسون ماهم خفافي
حكام من حكام في الحق حراس=على الامن والدين والستر ضافي
والله ماجيت أشتكي قل الأفلاس=أعز نفسي عن دروبِ الضعافي
لكن جيتك والهدف بين الأقواس=عرف الرجال الطيبة (كنز وافي )
وصلاة ربي عد ماهب نسناس=وعداد من جاى بيت ربه وطافي
على النبي المصطفى صفوة الناس=نهجه سوات والنور ماهوب طافي

المشاركة الأصلية كتبت بواسطة فهيد الرويس (المشاركة 605358) الله ماصلي على سيدنامحمد صح السانك ياسعد وفيت وكفيت تقبل تحيتي وتقديري

المشاركة الأصلية كتبت بواسطة عايض زوير المقاطي (المشاركة 605359) سعد ياوجه السعد صح لسانك مدد بلا عدد جزاااااااااااااله فائقة تحياتي وتقديري ..أخوك..