من يبشرني عن سعود الدهينه=بعد ماسافر عسى ربي يجيبه
راح يتعالج عسى الله مايهينه=وياعساه يعود لربوعه عتيبه
شيخنا اللي كلبونا خابرينه=نسل من حط الغباين في حريبه
وارث ٍ مجده من اللي سابقينه=وأعتلا من بعدهم عال الرقيبه
وفوق عرف الناس له طبعه ودينه=راعي الفزعات لاصارت صعيبه
كم وكم عدل موازين السفينه=وكم وكم ساوى طليب ٍ مع طليبه
ياعسى ربي يمدد في سنينه=وعن صواديف الزمان الله يثيبه
بلغوني ياعسى الأوضاع زينه=وياعسى ثوب العوافي يكتسيبه