يا سلامي على الأصحاب والأجناب = من هجوس الضمير / النيه النيه
شفت قبلان يفتح للعلاقة باب = بين بوش وبلير / النيه النيه

مرحبا في محل ٍ ماش فيه اغراب = شاير ومستشير / النيه النيه
ويش ودا زمانك ياحمد وش جاب = بين شر ٍ وخير / النيه النيه

البقى يا المرحّب والرجاء ما خاب = خابرينك خبير / النيه النيه
لو حبيّب حبيّب مع ابو مشعاب = تسان ما جاء سفير / النيه النيه

قفلّ الباب لانفتح لكم ابواب = صل عقب الاخير / النيه النيه
كان تقصد حبيّب صاحب المرقاب = أشهد إنه امير / النيه النيه

دايما ً فالسعه ضايق بدون أسباب = مير قلبك كبير / النيه النيه
مقصدي كان فالشجرة وجحر الداب = مير هالحين غير / النيه النيه