احلّق على متن السماء والخيال جناح=خيالي لياضاق الفضاء لك يوديني
لك اسرج خيول الفكر والهاجس الجماح=خيالي بعيد بعيد يمّك يسريني
احث الخطا لك كلّما شفت برقٍ لاح= احس إنّ هذا البرق بالذات يعنيني
عيوني جزيرة حب واطيافك السواح=على عيني اطيافك تهافت على عيني
اشوفك هنا وهناك وهناك لجل ارتاح=اسافر اروح اجي خيالك مخاويني
غرامك مدينة غامضة مالها مفتاح=لها سور بابه نور دايم يناديني
ليا رحت ناداني ولن جيت صد وراح=دواليك اروح تجين اجيك وتصديني
إذا طال صدّك طار سرب الحمام وناح=وتذبل غصون الشوق داخل شراييني
أعدّ الخرز مرات يابلوة المسباح=نكبته وقطّعته وهو قطّع يديني
على شاطي الحلم انتهت رحلة الملاح=وداعاً وداعاّ حلمي وماضي سنيني
هنا يمكن اودّع جروح الهوى ياصاح=واغيّر مساراتي واغيّر عناويني
إذا كان هذا البنك يخسر بدون ارباح=ولوكان ديكوره ورود ورياحيني
وإذا كان هذا الدرب عصف ومطر ورياح=رجاءً رجاءً غادتي لاتحبيني
أنا عاد ناقصني سهاد وسهر وجراح=تكفيني جروحي جروحي تكفيني

المشاركة الأصلية كتبت بواسطة معجب العتيبي (المشاركة 601959) هلال العتيبي تصوير جميل وخطاب رائع صح لسانك زننتظر المزيد

المشاركة الأصلية كتبت بواسطة ناصر عتيبه (المشاركة 601989) صح لسانك يا هلال

المشاركة الأصلية كتبت بواسطة هلال العتيبي (المشاركة 601952) احلّق على متن السماء والخيال جناح=خيالي لياضاق الفضاء لك يوديني لك اسرج خيول الفكر والهاجس الجماح=خيالي بعيد بعيد يمّك يسريني احث الخطا لك كلّما شفت برقٍ لاح= احس إنّ هذا البرق بالذات يعنيني عيوني جزيرة حب واطيافك السواح=على عيني اطيافك تهافت على عيني اشوفك هنا وهناك وهناك لجل ارتاح=اسافر اروح اجي خيالك مخاويني غرامك مدينة غامضة مالها مفتاح=لها سور بابه نور دايم يناديني ليا رحت ناداني ولن جيت صد وراح=دواليك اروح تجين اجيك وتصديني إذا طال صدّك طار سرب الحمام وناح=وتذبل غصون الشوق داخل شراييني أعدّ الخرز مرات يابلوة المسباح=نكبته وقطّعته وهو قطّع يديني على شاطي الحلم انتهت رحلة الملاح=وداعاً وداعاّ حلمي وماضي سنيني هنا يمكن اودّع جروح الهوى ياصاح=واغيّر مساراتي واغيّر عناويني إذا كان هذا البنك يخسر بدون ارباح=ولوكان ديكوره ورود ورياحيني وإذا كان هذا الدرب عصف ومطر ورياح=رجاءً رجاءً غادتي لاتحبيني أنا عاد ناقصني سهاد وسهر وجراح=تكفيني جروحي جروحي تكفيني

المشاركة الأصلية كتبت بواسطة أبو نجر النفيعي (المشاركة 603118) .. الله الله صح لسانك ياهلال .. قصيده في قمة الجمال .. وفي انتظار ما تقدمه من جديد ..!! :) أخوك

المشاركة الأصلية كتبت بواسطة علي فلاح العضياني (المشاركة 604786) الله صح لسانك مدد بلا عدد طال عمرك وبيض الله وجهك ياهلال