بسم الله الرحمن الرحيم

هذي قصيدة قلتها في الكيفران يوم سبوا الرسول:

يالله يالمعبود يارب الأرباب = يا عالمن هرج العلن والسريرة
يالله يا فكاك صعبات الانشاب = تبرج لقلب فيه ضيقة وحيرة
صابه من اقدار الزمن جرح ما طاب = جرح عطيب وله فعولن خطيرة
ما ينفعه فعل الدكاتر والاطباب = جرح عميق كل شيء يثيرة
فتحت بيبان الدهر باب ثم باب =ابا علاجي في الحياه الشريرة
لكن جرحي ماله علاج ينجاب = جرح بنفسي والسبايب كثيرة
سنة محمد عضها الوقت بالناب = رات ذليله في السنين الأخيرة
ماتت موار العز يوم الرجاء خاب = معاد يذكربه حميه وغيرة
إسلامنا يالذيب كاويه مشهاب = اخوان لكن ماش خير بريره
راحوا فريسه بين سالب ونهاب = وكل لحاله قام يشعب بعيره
راحوا سوات الضين تثعابه ذياب = جاهم من النكبات حشر وحشيرة
احد دموعه غرقت حيد الاهداب = و احد يهوش وفيصله في جفيره
هذا سبب واحد ومن جملة اسباب = والثانيه نكبه وكسر وكسيره
شبابنا راقين في سلم الاجناب = رجالهم ما عاد يثبت قريره
كوبوا عوايدنا بعد لبست الكاب = واخذوا عوايد كيفران حقيره
واشد منها الخبل لا صار حباب = والا يكيف من قوارير بيره
والا شرب خلطه من الخمر لاراب = والا فرط فرطات شره وتعميره
هذا شباب صار مخطي ولاصاب = هذا شبابحاس ربي مريره
نصه قعد فالنبر ثم بعدها ذاب = ونصه غرق وسط البحور الغزيره
يالله يامن تنصر العبد لاتاب = انصر عبادك فالليال العسيره
واحفظ سماها كان هي بدرها غاب= واخلف علاها بالفرج والستيره
انته من اطيب هالعشاير فالانساب = حذراك من زلات الاشيا الخطيره
واحفظ علوم الدين من كل الاجناب = وراقب وليك في العلن والسريره
وافزع لربعك والرفاقه والاقراب = وخلك خيار الناس شيمه وغيره
والنفس طوعها لعودك بعد شاب = وامسك وصاته واجتهد في البريره
والوالده طوع لها كل الاتعاب = واعرف ترى الها سابقات كثيره
وحذراك لا تامن بعيدن وأغراب = وافطن وخل النفس دايم حذيره
وختامها واداد نوٍ ليا صاب = صلوا على راع العلوم