الهيـــــــــــــلا *** منتدى قبيلة عتيبة - ((شيخ نشا بالطيب من نسل قحطان ))للشيخ /تركي بن صنهات بن حميد


	خط القلم واكتب لنا يا سليمان اكتب لنا جعلـك تطـب الجنانـي جعلك تطوف البيت مع كل الاركان وتصلي الجمعه بها دور ثاني هذا محمد مانبيعه بالاثمان عبـد مطـوع شاعـر مطربانـي قم كيف الطبخه ترى بان لي شان مشتان في شان وشان عنانـي بريه من سوق صنعا ونجران يعبـا لهـا بالهيـل والزعفرانـي نخسر لها لو كان تغلي بالاثمان لا هابها خطو الصبي الهدانـي بصين يبدي فيه ذربين الايمان بكفوف ظفـران قـروم ذهانـي يا راكب فوق سلسات الاقران فج العضود وساسهن من عمانـي فج العضود وفخوذهن تقل بيبان وساع الزغون موخرات الثفانـي ملفاك من يروي شبا مقدم الزان عيد الركاب اللي بها الحيل واني شيخ نشا بالطيب من روس قحطان عاداتهم فك النشب والعوانـي مطلوبكم يا شيخ به زود حقران والذل ما يرضي عريب المجاني لو ان مطلوبكم على مثل ما كان خفت مداريجه علينـا وهانـي ادري كلامي عن عدو وسفهان لزازة المجلس وجيـه الحصانـي للهرج ميدان وللرمي نيشان ومفتاح صندوق الضميـر اللسانـي