سلام الله على العتبان مبدا شاعر الدوشان=شيوخٍ في اللقا ما همها روقي وبرقاوي
رجالٍ في المواقف تركب الحبة على النيشان=بفعل ايمانهم كم طاح منكم رجل متساوي

هلا يا مرحبا باللي تعزوى عزوة المطران=على فال وعقال وكل قصة قالها الراوي
علامك يالمطاري ضايقٍ بسم الله الرحمن=وأنا خابرك لا جاك العتيبي تنسحب ضاوي

يدوم الك البقاء ياالحلحي ماشفت لي سلطان=وابن حمدان والكبتن وعلي الشاعر الهاوي
زمانٍ فات اجربعهم سوى في ساحة الميدان=ليا قابلتهم كلٍ يصيح صياح ويصاوي