آه من هم الزمان الي خفوقي به مصاب=وآه من سم الفراق الي تجرعته غبينه
وآه من جرح الصحيب الي تركني للعذاب=صاحبن غالي وحال الوقت من بيني وبينه
راح عني وابتدا همي من اسباب الذهاب=واسدل الكون الظلام وقلت وين النور وينه
راح عني والدموع بكل حسره وانسكاب=وادعه لاكن وداع الي موادعله مدينه
راح عني والطموح الي بنيته فالسحاب=انهدم يوم انهمل وبل الفراق وصار طينه
راح عني والفرح بعده غدا مثل السراب=والعيون من الشقاء والهم مانامت حزينه
مارحم قلبن تعنى في هواء مثله وذاب=ولاغفر ذنبٍ صغير ولالقلبي فيه دينه
ولاشرب سم الفراق الي شربته بإغتصاب=ولادرى عني بعد ماراح واقفت به سنينه
ياهجوس الشعر سوقيله على الهاتف عتاب=يمكن يحس بخطاه ويرجعه ماضي حنينه
علميه اني بعد فرقاه عايش فغتراب=كن مابالكون غيري عايشن عيشه مهينه
وعلميه اني شباب وصرت ماكني شباب=عاثين في راسي الشيب ومطاليبي ثمينه
وعلميه ان الزمن خان بعزيزين الجناب=والخفوق الي يخبي باحت الدنيا كنينه
وعلميه اني بعد فرقاه من همي مصاب=صابني رمح الزمان الي خذا قلبي رهينه
رمحن اقسى من قساوة رمح ابن غانم ذياب=ارتكز بين الضلوع الي على صدري حصينه
ياهجوسي علميه ان كان ناوي للغياب= يجهز بروح الجريح الي تعنى من ونينه

المشاركة الأصلية كتبت بواسطة عبدالله الجـــذع (المشاركة 598234) ابراهيم بيض الله وجهك على الجزله يالجزل يالغالي.. لاتحرمنا من ابداعك .. متابع لك بأذن الله.. دمت بخير ..