وين بندر ياعتيبه حان دوره = للتفاهم .. والمعاند .. والتحدي
كل شاعر يفرقه طبعاً حضوره =لو يحط .. ولو يشيل .. ولو يودي

بلغوا قبلان فالدعوى خطورة=كان موضوعٍ يسولف عنه جدي
شاعر المعنى ماهب لعّاب كورة=هات علمك يافتى وابشر بردي

الكتاب إن كان ترجمتوا سطوره =صرت فالصف الامامي منت ضدي
ياعساك السيل ياوادي شروره = وكان ماشفت الحيا ماباح سدي

في غلاف كتابك المذكور صورة=ذكرتني صورة كانت لجدي
ارقب المرزم تحرا مع ظهورة=الغصون اليابسة يمكن تندي

المحرم جايز ٍ وقت الضروره = والمهاجم مايفكر فالتصدي
فالمصامخ كل رجال ودوره = وللطويله يأبيض الشارب نعدي