هذه محاورة جرت بين الشاعرين :
الشاعر/هليل سليمان الفايدي من محافظة أملج
الشاعر / منيف مناحي البلوي من تبوك




هليل :

ياهلا يامرحبا بأهل الوجب والـــلافي // والتــحية يامعــازيب الوفا ماجــــودة
يامنيف أبشر بعمّك طيب (ن) متعافي // قــوم قامت لك قيامة ربك المشهودة

منيف :

البــقا ثم البــقا ياهـليل المتعـــافي // والبنــــادم ينعــــذر لنّه بذل مجهودة
ألعب ألعب طال عمرك كان جوك صافي // والمراجل تنجبد بالسيف والبارودة

هليل :

ياهلا بالشاعر اللي يدرك الميقــافي // شاعر(ن)مدته حياته سيرته محمودة
لو وقف في ماقفه ماينوي المحرافـــي/ /عملوه أن المنافـــذ كـــلها مســـدودة

منيف :

مدري أنت تخاف وألا أنته بطل متخافي // والرجـــــل مايحسب لالد يم عضـودة
ياهــــليل ياهــليل ماهــنيا خــــلافي // أدري أنك شايب ولك قدرت(ن)محدودة

هليل :

خذ علــومي ياخوي المحتذي والحافي// لا نطــــحك السيف أبوحدين خم حـدوده
المرارة لــوتــظلي باللــحم يــــنــعافي // وأنت ماعــندك مرارة كملها مجبودة

منيف :

أحترص ياصـــاحبي عن حذفة الحذافي //كب عنك القرص وأنته رجل منته دودة
راحت علــــومك كذا بأرباعها وأنصافي // الله أكــبر لو لقــينا العهدة المفقودة

هليل :

لاتخفى يامخــّفى ماعلى الله خافي // لا تجي للبحر وأنته ماتــقيــس مــدودة
لو تحول فالبحر ياكلك أبو عـــــطافي// قرش بحري له زعانف من ورا مردودة

منيف :

والــله أنا ما نبا يسفى عليك السافي // علموه اليا صمـــلنا يعـــتزي بجدودة
أنـــــت يارع البحر مقرود ماتنظافي // الله اللي قد بلا بالــعالم المقــرودة

هليل :

[]يامنيف أيام لاتــــذكر ولا تنــشافي //رحت يم الجوف وألا رحت يّــم الــــسودة
في شمـــال المملكة تمشي على الأوصافي// في ديار(ن) تشبـــك النمرود بالنــــمرودة

منيف :

كيف تبغى تشوفني مـــادام نورك طافـــي// ولعّــه حتى تحــل العقدة المعقودة
أن مشينـــا بالـــتقى وألا مع الأطــــرافي //العرب مايتــركون الآدمي بحدودة



هليل :

يامنــيف أسمع جوابي وأطلع المشرافي //هــد بالك قبل أقول الثانــية مقصودة
للبضايع واردات ولـلذهب صـــرافي // وأنت وآنا رجال عند السفرة الممدودة[/

Or





أنتظرونا في الجزءالثاني من المحاورة ,,,,


وعلى المحبة نلتقي