بالتحايا نبتدي في محل اهل الوجوب= عزوتي في كل ميدان ركض خيولها
مجدهم شارق وطول الزمن ماله غروب = وين مالقيت بالارض عرض وطولها

بالنيابة عن عتابه وغالين القلوب = مرحبا ترحيبة ٍ عد ٌ سيل سيولها
الله اكبر كل ماهب نسنانس الهبوب = الجبال الراسيه تستوي بسهولها

البقابك ياحزامي ليا شبت شبوب = والثنا مثني لربعن كبار فعولها
ياولد زراق صادق ولافينا كذوب= قولها ياصلب جدي وانا باقولها

ماعليكم زود في سلم ولا في حروب = ربعنا الي دولنا في المواقف دولها
العلوم الطيبه من حلاها ماتذوب = والعلوم الثانيه مانوقع حولها