الهيـــــــــــــلا *** منتدى قبيلة عتيبة - ( مونس الفرقا ) قصيده للشاعر ناصر الفراعنه ..

السلام عليكم ورحمة الله وبركاته ..

الاخوان الاعزاء انقل لكم قصيده للشاعر الرائع
ناصر الفراعنه والحقيقه انها قصيده رائعه بكل
ماتحمله الكلمه من معنى فااترككم معها ..

مونس الفرقا غنا الورقا علـى المرقـا يفوعـه=صاد خمس وخمس من صيد امس باعه ثم باعه
في عَشِر حشْر ونَشِر ما هن بِشَرْ شوعه يشوعه=في صُفر سودٍ عُفر دق وحفَـر واودع وداعـه
راهبٍ مبدى سجـوده سابـقٍ مبـدى ركوعـه=ماخذٍ من مبتدى ممشـى بنـي عمشـا لكاعـه
في فجر سبته سرق سبتة ثلوثـه فـي ربوعـه=حرّةٍ رزّوا علمهـا فـي تميـم وفـي خزاعـة
حربةٍ زرجـا وضبعـة واديٍ عرجـا قطوعـه=بُنصره في خُنصره ما ينصـره مِـدّه وصاعـه
من تِسِع فيهن وِسِع شفنا نزولـه فـي طلوعـه=في رُبِع سابع سبِع ما تاكـل سباعـه ضباعـه
يا ملوك الجان حنّوا راحتـه ساعـة خضوعـه=ما خبرنا واحـدٍ تـزوّج اختـه فـي الرضاعـة
الف صبحا من بنات الفرس ساقوا في رجوعـه=والف شقحا من بنات الروم ساقوا فـي وداعـه
جاك من لا جاك ريح العبد الادريسـي يضوعـه=في تهامة حنّكـوه اربـع ملـوكٍ مـن قضاعـة
صارع الدنيا وهي دنيا وصـارت تحـت كوعـه=والقطا عجل الخطا فوق الوطا ساعـه وساعـه
وش نبدّل وش نعدّل فـي قِهَوتـه فـي قدوعـه=لو نسوّي ما نسوّي وش نسـوّي يـا جماعـة
يا معلّم في المبلّم صـار طبعـك مـن طبوعـه=لا تسلّم لا تكلّـم وانـت طبعـك مـن طباعـه
كلّ شرعٍ له شريعـة كـلّ اصـلٍ لـه فروعـه=والاصول الشركسيّة ما تبوضـع لـك بضاعـة
ما يرد من القدر كثـر الحـذر ساعـة وقوعـه=بالقنا طـقّ القنـا ليـن الثنـا يحلـى سماعـه
ما ينوز مـن العجـوز الا ولـد عنـزٍ دنوعـه=والهنـادي للأعـادي مـا نقلناهـن شفـاعـه
من تزنّـد للمهنّـد كـلّ بـن كلـب يصوعـه=لألف جربا وألف حربا حامـي البـارود صاعـه
ذا ودم واسلم وأَسلِم وآخـر الفسقـان طوعـه=من تبرجم مـا تدرجـم يـا مترجـم فالإذاعـة

اتمنى ان تعجبكم ولكم كامل ودي ..

تحياتي وتقديري .. بدرعيد ..