روّحـت أدوّر ثِـني روّحـت أدوّر رباع = أتعبت حالي وأثر جنبي قريّب جذع
نبغا نعشّي عـرب فالوقت هـذا جياع = والليل بدري ونجم الليل توه سطع

ترى الكلام المخالف مثل سقط المتاع =ماتلتفت له رياجيل تعرف السنع
من منطق العقل : ماتاكل بعضها السباع =اللي حكا ماحكا والمستمع ماسمع

ان كان تبغى النصيحه ياطويل االذراع =ليتك تسجل بمدرسة الشعر مستمع
واليا تعلمت روح مع الدروب الوساع =وحقك عليّ ارفعك فالعالي المرتفع

النصح مايرفضه غير النفوس الوجاع =اثرك ياصاحبي مانت بسليم الوجع
مانته بصالح هجوم احسن تعود دفاع =دام السلامه غنيمه وش تبا بالطمع