قصيده مدح، في الضــــــــيــــــــطه،،،،والعضيان
 

السلام عليكم ورحمة الله وبركاته


الراوي :
سعدون الهرس المرشدي قام بإهداء شبكة عتيبه هذه القصيده

القديمه والقيّمه للشاعر مسعود بن سعد بن شبلان العضياني رحمة

الله عليه .................

ونشكر الراوي سعدون للتعاون معنا في الحصول عليها


يقول بن شبلان



لاوالله الاّ فاض زمل ابن صقلان = الزمل فاض وفاضت البل تباريه

تبراله البلها ذخاير فنيسان = كم من عقيدٍ عندها أفخت مراكيه

يفاخت المركي على شهب الالوان = ولايطمع أنّ الخيل زهمٍ تنجّيه

وياميرنا ترجيك عذبات الاوطان = على الرجا عز الولي ثم نرجيه

يرجيك حتى اللي على الديس غرلان = حتى صغيّرنا يفز لطواريه

ويرجيك سيف لك مذاخير جدان = سيفٍ ليا وقّع على الدرع يثنيه

ويرجيك وادٍ سايلٍ عقب ودّان = اليا سمح جاله من الوسم ساقيه

حاميه بدر بسربةٍ تقضي الشان = جمٍّ براسه مايبا حدٍ يقدّيه

خيلٍ تهاقع فوقها جيل فرسان = حاطٍّ لها الصانع قطيعٍ مسّويه

من عولقيات يجيدنّ الاكوان = طريحهن ماله طبيبٍ يداويه

يكسر على أشناقه بجرّات عربان= بشولٍ لزيزوم السرايا تباريه

دار ٍ لها بين الحفيفين مسكان = قبليّة الظلع الحمر والجنب فيه

محدده مارق وقدمه صنيتان = وقدّامهم ذبّاح الاتراك حاميه

مزين تراطنها على جول حيران = بين المحيل وبين ظلعٍ يواليه

يازينها لاشرّعت حم الامتان = تزهى العمود اللي علاها مواريه

وتركي غدى عنّا بعد بيّنه بان = حرٍّ ولد حرٍّ وبانت شواريه

حرٍّ ولد حرٍّ طلع ماله أثمان = طلع على جمعٍ غزير يقدّيه

زيزوم جمعٍ يرجعه وقت الاذان = يمشي على أمره والموامير تتليه

يصبح على دربه من الخيل قطعان = وجيشٍ حفايا نازلاتٍ سماريه

وعيال ناصر مقعدت كل غلطان = ربعٍ على كزّ المجوّخ متاييه

تفرحبهم وأن ثار للعج عتنان = ذياب الطراد ليا تناشت نواشيه

أهل مزاريجٍ يجدّن الاوتان = تروى وعيدان القنا شرّعٍ فيه

منقوله

لاهنــــــت ياسعوط المجانين ... والاد عضوي يستاهلون المدح منول وتالي

يعطيك العافيه وتسلم يمناك
وبيض الله وجهك
تقبل تحياتي :

مشكور سعوط المجانين
 

مشكوررررر حبيبي الله لا يهينك

و،شهد انهم يستاهلووووون المدح

وبيض الله وجهك
أخوكم ( العطاوي) من عالية نجد

صدق الشاعر
وبالفعل الضيطه والعضيان يستاهلون المدح

ولا هنت يا سعوط المجانين

تسلم ياسعوط المجانين على ايراد القصيده

كما نشكر صاحب الموضوع الاصلي في شبكة عتيبه ابو سعود الروقي على ايرادها وننتظر منه ايرادها كامله

وللعلم فالقصيده في القماحره الثعاليه وذكر امراء القبيله

الشغاغره والضيطه ...والتحيات

ياسعوط المجانين
 

شكراً لك ياأخي على ايراد القصيده .

كما نشكر سعدون الهرس على اهداءه هذهي القصيده لمنتدى العتبان..وحفضه تاريخ القبيله....

قصيده رائعه في مدح امراء مزحم الضيطه وفرسان العضيان الذين ذكرهم الشاعر والله يعطيه الجنان.....وفرسان العضيان يستاهلون اكثر من كذا.
والسلام

يعطيك العافيه وتسلم يمناك
وبيض الله وجهك

بيض اللـــــــــــــــــــــــــــه وجهك

ياسعوط مشكور
 

مسعود عياله موجودين والقصيده معروفه وحافظينها عياله يابناخي
وهو من المشابين من العضيان
من السحله

والله لا يهينك