مرتع الخلفات للشاعر((غازي بن عون))
 

السلام عليكم

هذي قصيدة الشاعر غازي بن دخيل الله بن عون واللي يقول فيها...

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
كل مادجت في مرتع الخلفات =وشفت الاوطان من عقب اهاليها


ثم تذكرتها فالثمانينات =عقب قفت لحقنا بواقيها


من خفاياي جريت لي ونّات =وزرهفت عبرةٍِ كنت كاميها


وفاض من محجر العين شلالات =وبان خافي مخفّي خوافيها


وتعذر العين لو تنثر العبرات =عقب ماجوبها وش تحريها


عقب صيدٍ بها جالهم عبّات =كن مامنهم اللي مشى فيها


سادةٍ فعلهم يرفع الهامات =وخوفهم مرتع الشول حاميها


ياكثر مادهلها من السرفات =والمهار الاصايل تباريها


ومن حرار وهجنٍ عمانيّات=ومن بيوت كبار ٍِ مبانيها


والقطار الرقط والشرد الحذرات =والمسايل تدارج حباريها


ولا بقي من حياة اهل العادات =غير طار النشاما وطاريها


من خشوم الاينوفي الى سفوات =جعل همال الامطار يسقيها


دار الها محبه وذكريات =نغلي اللي ربوها ونغليها


ذريات مضت في زمان فات =لو تناسيت ماني بناسيها


كل ماقلت ماتت مع الاموات =شوفت اقذال الاوطان تحييها


اثر بقعاء لو جالها لذات =تكدر خطوبها صفو صافيها


فاتنٍِِ تأخذ الناس بالغرات =ماافلح العاشق اللي مهاويها


من سمع ذكر دنياه فالايات =ويعتبر لا سمع ذكر ماضيها


عقب ماشفت غاراتها العجلات =ودي ابيعها ووين شاريها


مثل ماباعها الشيخ ابن صنهات =عافها عقب ماشاف تاليها


والتجا في حجا عالم النيات =باعث الناس من عقب يفنيها
[/poet]

وسلامتكم ,,,,,,,

لاهنـــــــت يابن عــون على إيــراد هذه القصيدة

هلا يالشعف حياك الله ,,

اسعدني مرورك يالغالي ,,

لاهنت ياابن عون
ولاهان ابن عون قايلها
اخوك/ الرويس

هلا والله بولد عمي ,,

تشرفت بمرورك الغالي ,,

لا هنت يا بن عون على ذكر هالقصيده الرائعه

ونتمنى منك مواصلت ابداعاتك

تقبل تحياتي

الخنفري

تسلم يمينك يالخنفري ,,

تحياتي لك ,,

صح السان الشاعر الكبير غازي بن عون , وصح السانك يابن عون , مشكور على انزال هذة القصيدة في منتدى الهيلا.

صح بدنك يابن مشيب ,, وياهلا فيك ,,