قصيدة للشاعر حبيب العازمي
 

بعد ثالث ثلاثه حـل والوقـت ليـل
كل عين" من العبرة سقـت خدهـا
ارتعش واتثبـت والعبايـر تسيـل
لقـدر اقـول ليـه ولقـدر اردهـا
واقف" وقفت المحتـار وقت"طويـل
انظـر لواقعـي بالعيـن واصدهـا
مقدر اهرب من الواقع على المستحيل
تقصر الرجل خطوه قبـل لامدهـا
بين حزن الوداع وبين هم الرحيـل
كـل لحظـه تمـر بهـم واعدهـا
حسبي الله على الفرقا ونعم الوكيـل
هددتني وانا مجروح مـن ضدهـا
اشهد الجدي في مبداه واشهد سهيـل
قصتـي تبنـي الاهـرام واتهدهـا
ماشفالي جروح ولابردلـي غليـل
صادت الروح روحا" بيحت سدهـا
كلما قلت شده قلـت يمكـن تزيـل
وكل ماقلـت راحـة قلـت لابدهـا
شرهت القلب عدل ونظرة العين ميل
اقنع النفس ميـر النفـس ماودهـا
المشاعر لها بيـن الحنايـا صهيـل
والخواطر تحـز النفـس واتحدهـا
اكتب الشعر من دمي ودمـي ثقيـل
كل ماجيـت امـد القافيـه شدهـا
اقربي يالقوافي واشربـي سلسبيـل
من نهورا" يذوب الذوب مـع ندهـا
وذعني للحقيقه واشربـي حنظليـل
من بحورا" يساقي جزرهـا مدهـا
مايشح الكريـم ولايجـود البخيـل
كل نفـس" طبيعتهـا علـى قدهـا

مشكور يالغالي..

بيض الله وجهك...

وصح لسان العلم حبيب..

بيض الله وجهكم على المرور الرائع

مشكووور على الموضووع وهذي قصيده رااااااااااااااااااااااااااائعه وماهي غريبه عن حبيب

مشكور وماقصرت

الله يعطيك العافية أخوي فهد
ولاهنت على النقل


لكن أخوي تأكد من القصيدة عند نقلها
أظن حصل أخطاء من جراء تناقل القصيدة أدى إلى أختلال وزن بعض الأبيات

بيض الله وجهكم على المرور الرائع

وملاحظتك يا اخ الشامخ على راسي لكن هذا الي نقلته فالقصيده