يطربني المسيـار بـارض خليـه=دار الحيا شوق الرجال الطحاطيـح
ياجعلهـا لسيـل صبـح وعشيـه=من وبل همال المـزون المروايـح
لينن كـل شعيـب ركـب إردّعيـه=ولاغاض ماه انهل فوقـه كواثيـح
حقوق وسم(ن)من جزيـل العطيـه=من وقع سيله جرح الارض تجريح
نهـار رابـع بـذرة الخـد حيـه=ومداد وليه بالعشـي والمصابيـح
عشريـن لليلـه ماتخالـف نويـه=وعقبه يزين البـر للهل المراويـح
خطوا الرجال اهل الظفـر ولحميـه=نزهين جمعاهم على هبـت الريـح
ومن الحزابـه ولمـو كـل شيـه=تواعـدو مـرواح ولا مسـاريـح
وطبولهـم قفـراً عشوبـه نديـه=متخالطن نوار نبـت الصحاصيـح
تضحك زهوره فالفيـاض العذيـه=وفيه ام سالم تزعج الصوت وتصيح
ولاهب ذعـذاع النسيـم ضحويـه=جا للخزاما والشمطري معه ريـح
ثم شـب نـاره راعـي الشاذليـه=وصكو عليه اهل الوجيه المفاليـح
وجا للسوالـف والشعـر قابليـه=وفنجال كيف يّنـزّح الهـم تنزيـح
انشهـد انهـا سجتـن عالمـيـه=مامثلها عنـد الرجـال الزحازيـح
تسوى القصورالـي قببهـا علّيّـه=لوذهبـت بيبانـهـا والمفاتـيـح

المشاركة الأصلية كتبت بواسطة هوشان النفيعي (المشاركة 591315) تسوى القصور اللي قببها عليه لو ذهبت بيبانها والمفاتيح بيض الله وجهك يابو مقعد ياراعي مصده وصح لسانك وتقبل تحيات اخوك هوشان النفيعي المسعودي

المشاركة الأصلية كتبت بواسطة مرزوق حمدان العتيبي (المشاركة 591369) .. . بيض الله وجهك يابو مقعد .. قصيده فريده وتستحق كل هالغلا ... صح لسانك ...

المشاركة الأصلية كتبت بواسطة محب الهيلا (المشاركة 591603) قصيدة جزلة مشكور وبيض الله وجهك