يـاعـاشـقـن بـيـت الـشـعـر و الـربـابــه=مع شـبـتـن تـشـرح اصدور الرجالـي
في عـبلـتن خـضــــرا وطـهــا سـحـــابـه= طعم الـمـطــر فـيـهــا قــراح ٍ زلالــي
والــذود قــدامــك او صـاف ٍ تـشـــابـه=جـالـس عـلـى الـشـبـه وصفـر الـدلالي
والـجـو مـمـطــر و الـســوالـف دعـابــه=تـفــرح الـيـاخـيـل عـلـيـك الـخـيـالــي
الــنـفـس مــرتـاحـــه ولابـه كــئــابــه=زود الـفـــرح لا جــاء رفــيــق ٍ مـــوالــي
الضـيـف يسـعــد لا لـقــالـه رحــابـه=فـي مــجـلــس الـلـي عـنـد ربـعــه ضـــلالـي
حــلال لا جـاء فـي نهـار الـطـــلابـه=شـيــخ ٍ فـعــولـه فــالـمـجــالــس اتـمــالـي
ريـف الـضـعيـف وعــزوتـن لـلـقـــرابــه=سـقـم الـعــدا خـصــمــه يـعــود يـلالــي
يـبـلـش خـصيـمه لـو جـمع لـه عصـابـه=امـخـصـم اخـصــامـه علــى كــل حـالــي
هـو مـسـندي لا جــاء نـهــار الـحــرابه=مـثـل الـسـلاح اللي عـلـى الـمـتــن مـالـي
وخـتـــامـهــا صـلـــوا لرب الـرقـابـه =رب ٍ رفـــع سـبــع الـسـماءوات عـالـي

المشاركة الأصلية كتبت بواسطة عبدالرحمن الهيلوم (المشاركة 590824) لافض فوووووووووووووك يابن العم الغالي

المشاركة الأصلية كتبت بواسطة السميــــــري (المشاركة 591371) الله الله ياشامان .,. مبدع ... النفس مرتاحه ولابه كئابه زود الفرح لا جاء رفيق ٍ موالي صح لسانك .. وتم ماأمرتني به ... !!

المشاركة الأصلية كتبت بواسطة هوشان النفيعي (المشاركة 591392) شااااااااااااااااااااااااااااااااااااااااااماااااا اااااااااااااااااااااااااان الله الله على هاالاجواء اللي وصفتها صح لسانك ياالقرم

المشاركة الأصلية كتبت بواسطة محب الهيلا (المشاركة 591597) صح لسانك مشكور وماقصرت