سلام الله سلامٍ كل ماهبت هبوب النود = يهب ومعه مع ريح الخزامى عنبر وكادي
أنا يشهد علي الله وخلق الله علي إشهود = جميلات المثايل مطمعي يوم الله الهادي

هلا يامرحبا ترحيبةٍ من زود اهلها تزود=تراحيب الرجال اللي تجود وطيبها زادي
بعد ماجيت بيتٍ الطيب لا حاوي ولا مردود=تفضل والبحر مانقصه صادر وورادي

يدوم ابك البقى ياصاحبي والصادرات ورود = لكن إحسب حساب الوقت محدارٍ ومسنادي
يا ناصر كانها ثارت سواة الملح والبارود = تحيزم يالعتيبي يوم جوك القوم من غادي

يهيضنا الخيال اللي مقاديمه دوي رعود=ولا ندري من فعوله يسيل الضلع والوادي
قبل لبس الحزام وقبل ذا ميت وذا مفقود=على منمن عرفنا على اسمك واصل الاجدادي

آسف على التأخير يا ناصر

أنا مشقاص راع البل وأنا حامد وأنا محمود = ومن يفخر بفعلٍ مانسب بإسمه فهو غادي
أنا لي شرهتن كبر الجبال العاليات السود = ولكن الجمل زومان فيه خطام وقيادي

ونعمٍ فيك لكن هات جدك والجدود جدود=ترانا ماعرفنا عنتر ألا بابن شدادي
تشره بس لا تقرب وتاصل حدك المحدود=مادام الحكم له قاضي تقدم له بالاسنادي