حسن أبورقبه (اخوساره) وتمني المطيريه لوكان اخو لها
 

السلام عليكم ورحمة الله وبركاته
يسعدني ان اكون احد اعضاء هذا المنتدى الجميل وهذي هي اول مشاركه لي معكم واتمنا ان تحوز على رضاكم جميعا واسمحوا لي اولا ان اعرف بفارس هذه القصه وهو:
الفارس الشيخ/ حسن بن بطي بن عفنان بن حسين ابورقبه والمشهور (باخو ساره) والملقب (أبونويب) وهو احد شيوخ قبيلة (ذوي زياد) ومن اشهر فرسانها، اما موضوع القصه سمع حسن أبورقبه في احد الايام اخته (ساره) وهي تنشد وتقول
ياخوي زهابي فالبرود = ياخوي يامابي علاه
ياخوي دوري قعود = يم الدويش اغزوا علاه
فلما سمعها قال لها ماهو لون القعود الذي تريدينه فقالت له (اوضح) فقرر ان يغزوا مطير وحده لان الهدف هو ان يأتي لاخته بهذا( الجمل الاوضح) وهو ليس بحاجة ان يساعده احد لانه قادر علا ذلك وحده ويريد ان يحصل عليه بأقل الخسائر فلما وصل ديار مطير قريب الليل شاف عدة جمال (اي الزمل)وفيها القعود الاوضح معشيه قريب بيوت مطير وترعاها بنت وقرر ان يسطوا عليها اذا حل الظلام وعندما تقدم لاخذ الجمال رآه شخص او شخصين وتخصل منهم حتى لايخبروا الناس وقام بسوق الجمال وامر البنت ان لاتتكلم او تصرخ حتى لاينكشف امره وان تركب احدهن وتمشي امامه وقالت ألاتخاف ان يلحقوا بك مطير وانت وحدك فيقتلوك ماهذه الجراءه تأخذ الجمال من طرف البيوت وراعيتها فيها انت اكيد انك مجنون فقال لها ضاحكن المجنون الذي لايعمل مثلي هذي وصيت اختي ان احضر لها جمل اوضح من مطير واستطاع ان يسري بها طوال الليل لوحده حتى وصل الي ديار عتيبه ووصل عند اهله فلما رأة امه وأخته البنت المطيريه غضبوا منه وخشوا ان يكون قد آذاها اوفعل معها شيء خاظأ فقالت المطيريه لا والله مالمسني فأكرموها وأرسل لأهلها لكي يأتوا ياخذون ابنتهم ولما اتى اخوها قال له حسن أبورقبه هل تزوجني اختك وهذا ذكاء من حسن ابورقبه حتى يوضح لاخوها انها بنت شريفه ولم يمسسها احد فقال انت ماتنعاف انت حسن ابورقبه ولكن والله انها معطاه لابن عمها فقال المطيري وش تعطينا من جمالنا ياخو ساره فقال اخذوا واحد منها إلا القعود الاوضح للانه هو سبب اخذ هذه الجمال وكان قعود المطيريه وتحبه جدا فذهب المطيري واخت لاهلهم ، فأعجبة المطيريه بشجاعة حسن ابورقبه وبسالته وجراءته وشرفه وتلبيته طلب اخته وقالت هذه الابيات تطلب من اخوها ان يسترد القعود والمسما (هلالان) من (ذوي زياد) وتمنت لوان حسن ابورقبه اخوها حتى يلبي طلبها فقالت:
يذكر هلالان مع( الزود ) === حطت عليه الحني ساره
ياخوي ماترخص الكوٌد === ياليت اخوي اخو ساره
والقصيده اطول من ذلك لم استطع ان احصل عليها والمقصود (ذوي زياد )اهل مهيوبه وخيالت الحرشا من عتيبه

والله ونعم..

مشكور يالغالي وماقصرت..

كفو النفيعي ونعم والله

بيض الله وجهكم على المرور

ونعم بذوي زياد والنفعه كلهم

والله والسبعة انعام في عيال عمي

بيض الله وجهكم على المرور الرائع