سلام رديتن بالمسك مدهونه = تضفي على الناس حاضرها وغايبها
نادولي الشاعر اللي تطرب لحونه = قدام يبدابها يعرف عواقبها

يامرحبا عد وبل الغيث ومزونه=واعداد مالفت الساعه عقاربها
اقولها والجدي موجود في كونه=لا بان بعض البشر صكت حواجبها

الشاعر اللي لفا يمشي على هونه = يفهم كلام الرجال اللي يخاطبها
والجدي يبدا النهار ويختلف لونه = في مشرق الارض والا في مغاربها

الارض يمشي بها كلن وقانونه=واللي حسب خطوته يامن متاعبها
لبست بشت الفقير وقلنا ياعونه=ترى الجواهر بعيداتن مكاسبها

ناسن على الارض فوق وناس مدفونه = وناسن مع الناس ضايعتن مذاهبها
انهد بيت الكسير وطاحت ركونه = يومن ريح الصبا هبت هبايبها