يطرني المسيار فارضٍ خليه=دار الحيا شوق الرجال الطحاطيح
ياجعلها بالسيل صبح وعشيه = من وبل همّال المزون المراويح
فيها لعشاق الحيا جاذبيه = تجذب بعيدين النضر والمشاويح
تذاكروها طيبين السجـيّه= وتشاوروا والشور طبع المفاليح
وجوها على جيبٍ عزومه قويه = من وارد اللكزس ماهو وارد جميح
ووصلوا مع المشراق والشمس حيّه= والجو صحو ..وفتّح الورد تفتيح
مافيه صوت الا الغصون النديه = تعزف لحنها كل ماهبت الريح
وصوت الطيور الشاديات الشجيه = تسمع لها مع شرقة الشمس تسبيح
والارض جاي لطلعها قابليه=ريح البختري خالطت ريحة الشيح
وميعادهم مع دلة الشاذليه= ام البهار ومع سمان المفاطيح
وسوالفٍ بين الخوي وخويه =( قرار) وترّوح عن النفس ترويح
صحبة رجال الطيب واهل الحميه = صحبة وفا ماهي بصحبة مصاليح
وانا حدتني عنهم العسكريه= بغيت اروح ولا قدرت المراويح
ياكم سنه ربّعت وسط السريه=حزن الشوارع جرّح القلب تجريح
اجمل سنين العمر راحت عليه= قضيتها ((مستودعات))((ومفاتيح))

يطربني المسيـار بـارض خليـه=دار الحياء شوق الرجال الطحاطيح
ياجعلها بالسيـل صبـح وعشيـه=من وبل همال المـزون المراويـح
يسقي ثرى هاك الفياض العذيّه=اللي شجرها من ضماها مكاليح
بعد اليباس تصير خضرا و حيّه=تعانقت وديانها و الصحاصيح
بالعشب و زهور الربيع النديه =تلبس و تكسي نابيات الجراديح
ايداعبه صافي هوى مغربيه=يبعث شذا الازهار والورد والشيح
تنفسه نفحة عطورٍ زكيّه=ينعش عبيره كل ما هبّت الريح
وصفة علاجٍ للهموم الخفيّه=شذاه لابواب السعاده مفاتيح
علاج ما يشرى من الصيدليّه= فيه الشفا لاهل القلوب المجاريح
و أهم شيّ ... اللي له الاولويّه=خوّة طليقين الوجيه المفاليح
مقيالنا ما بين روضه و فيّه=في واديٍ ظلّ اشجراته مداويح
حوّل حدانا ثمّ ذكّا طليّه=والنار شبّت والجماعه مشاويح
وكلٍ عصب راسه لخدمة خويّه=و صفّوا دلالٍ فالمناره مدابيح
والهيل فاح ودارت الشاذليّه=و جات السوالف بيننا والتمازيح
و زان القصيد و جرّة السامريّه=بابيات من شعر العطاوي شليويح

يطربني المسيار بارضٍ خليه= دار الحيا شوق الرجال الطحاطيح
لعلها بالسيل صبح وعشيه= من وبل همال المزون المراويح
من ساحل الدمام لين الحويه= ومن حد عرعر لين هاك اللحاليح
جاها من الوسمي مطر عقربيه= وتوافقو عساسته بالتصاريح
ونبتت حلاوي عشب نجد العذيه= وفلت بها ذيان بدوٍ مصاليح
قفر الفيافي والفياض النديه= فيها الشمطري والنفل عانق الشيح
نفحة هواها طيب مافيه زيه =وصفة علاجٍ للقلوب المجاريح
ازهار عشبه كنها مزهريه= فيه ام سالم ترتفع فوق وتطيح
مكشاتي الها مع رجال الحميه= خطلان الايدي مبعدين المشاويح
اخير لي من سفرةٍ عالميه=لديرة يهودٍ صيد اهلها تماسيح
ترى سعادة كل نفسٍ شقيه= شوف الربيع اللي معه هبة الريح
ورفقة خويٍ مايزعل خويه= لاشحة ايدين الرخوم المشافيح
في مجلسٍ نار الوفا فيه حيه= وفيه الاناسه والسمر والتمازيح
والعود الازرق فيه والشاذليه=وصينيةٍ فيها سمان المفاطيح
هذي سعادة نفس قبل المنيه= والعمر يمضي والليالي مدابيح

يطربني الممشا بدار ٍ خليه = دار الحيا شوق الرجال الطحاطيح
ياجعلها بالسيل صبح وعشيه = من وبل همال المزون المراويح
نوٍّه حقوق ومزنته عقربيه = من قو سيله يبرح الارض تبريح
تغدي صحاري نجد خضراً عذيه = مثل الزوالي عشبها فالصحاصيح
ماكنها الا فالشكل مزهريه = مشي ٍ بها طب القلوب المجاريح
وسط الفياض اللي لها قابليه = ريح النفل مخلوط مع ريحة الشيح
ارض ٍ قفر ماداج فيها رعيه = غير ام سالم ترتفع فوق وتطيح
ناصلها لها في ليل ولا ضحويه = فوق الجيوب امبعدات المساريح
نبن الخيام بفيضةٍ عالميه = ويطيب كيف اهل الوجيه المفاليح
الجو هادي والمساكن دفيه = والبن الاشقر والشحم فالمفاطيح
في ليلة ٍ غدرا بها النار حيه = يجذب سناها مثل نور المصابيح
قمة جمال وليلة ٍ شاعريه = فيها السوالف تبتدي و التمازيح
أمع الرجال اللي لهم مقدريه = خوّة نقا ماهيب خوة مصاليح
كل ٍ يقدم فزعته عن خويه = أمعود ٍ نفسه على هبة الريح
تسوى السكن في عالي الفيصليه = كلش بها ريموت مابه مفاتيح

يطربني المسيـار بـارض خليـه=دار الحياء شوق الرجال الطحاطيح
ياجعلها بالسيل صبـح وعشيـه=من وبل همال المزون المراويـح
اللـي ليـا سمـا وهـل برديـه=تقـول شـلال بخلفـه مصابيـح
يـودع ديـارٍ مرهـا مزهـريـه=وبله حقاق ويدفعه عاتي الريـح
وان مالت غصون الربيع النديـه=والقحوياني والنفل سامر الشيـح
تسعد بشوفه كـل عيـن شقيـه=طب القلوب اللي بحبـه مجاريـح
وتفرح به الرعيان قبـل الرعيـه=عيدٍ على اصحاب الحلال المصاليح
ويطيب سج الرجل , روحه , وجيه=بديره عمام المجد والفطر الفيـح
ثـلاث , يابنـدر عـزاز علـيـه=يبقن عنـدي للسعـاده ,,مفاتيـح
شوف الفياض المربعـات العذيـه=ورفقه عزيزين الجناب المفاليـح
وممشـاً ورى ذودٍ قليـل حليـه=تقول/ من ترثه غنايـم شليويـح
بعد الصلاه عصير.. والشمس حيه=مشهد غرام ..تطيب فيه التباريـح
شاعر ,,ومده,, هاجسي حاتميـه=وهواي ياطيش الهوى هبه الريـح
لاعبت فيـه لحونـي السامريـه=لعب الكفوف الطاهره بالمسابيـح
وطلعت باللي ,,بإذن رب البريـه=مرشحه لمعانق الفـوز ترشيـح

يطربني المسيار بأرض خليه=دار حيا شوق الرجال الطحاطيح
ياجعلها للسيل صبح وعشيه= من وبل همال المزون المراويح
غر المزون اللي من العقربيه=تسمع لصوت رعودها فيه تسبيح
من فضل راع الفضل جزل العطيه=اللي من المنشا يسوقه مع الريح
وليا استوى من فوق نجد العذيه= سيله يجرح خدة الارض تجريح
ياخذ عليها اسبوع واسبوع زيه=نو يماسيها والاخر تصابيح
غيث يعم فياض نجد الطريه=جابو علومه كاسبين التماديح
الارض خضرا والموارد رهيه=للي يبا شف البكار المضاييح
وذكره يشوق قلب راع الرعيه=اللي يوده للمغاتير ويصيح
شوف الحيا طب القلوب الشقيه=اللي من هموم الليالي مجاريح
ممشا مع الروض الخضر بضحويه=ربيع قلب اللي يبا همه يزيح
ياماحلا سج القدم في نحيه=مسرى معه والا بوقت المساريح
مع خوة رجال الكرم والحميه=أهل الشهامه والرجال الزحازيح
الطيبين اهل العزوم القويه= معهم وناسة بال مع هبة الريح
هذى هوى بالي وعهد عليه= بين اربعة جدران ماودي اطيح

يطربني المسيـار بـارضٍ خليّـه=دار الحياء شوق الرجال الطحاطيح
ياجعلها بالسيـل صبـح وعشيـه=من وبل همّال المـزون المراويـح
من جاهـزٍ يـوم استهلـت رفيّـه=نوّه على صدر الثـرى ودّه يطيـح
برقه يلالـي مثـل شـب الاضيّـه=والرعد له في عارض النّوّ تسبيـح
ديمومـةٍ ماهـوب هـل بـرديّـة=لايهدم ولايجـرح الأرض تجريـح
السيل خمس أيـام تسمـع دويّـه=مثل الحبيب اللي لمحبوبـه يبيـح
الأرض عقبـه كنّهـا مزهـريّـة=تلقى النفل مع الخزامى مع الشيـح
يستقبلـك عطـر الزهـور النديـة=ويضوي لك النوّيّر شبه المصابيـح
والطير نشوى كـل طيـر وخويّـه=فوق الغصون اللي تمايل مع الريح
تصدح وتشـدو باللحـون الشديّـة=في منظرٍ يشفي قلـوب المجاريـح
فالـبـر رومانسـيّـة وجاذبـيّـة=تدخل شغاف القلب من دون تصريح
تلمـح بدايـع خلـق رب البريـة=ترى لها فـي كـلّ لفتـه تلاميـح
ياسعود جـو البـر يطـري عليّـه=ياخوك وين الجيب هات المفاتيـح
نبـا نسـيّـر فالـديـار العـذيّـة=أرضٍ حياها شبه فرش الطراريـح
وهنـاك تحـلا جلسـةٍ شاعريّـة=في حضرة الربع النشامى المفاليـح

يطربني المسيـار بـارضٍ خليّـه=دار الحياء شوق الرجال الطحاطيح
ياجعلها بالسيـل صبـح وعشيـه=من وبل همّال المـزون المراويـح
رحنا لها من بعـد عيـد الضحيـه=مع خوة تكسـب جميـع التماديـح
بعد الفجر والنـور مافـج ضيـه=قبل الشروق وذاك وقت المساريح
سقنا القـدم يـم الديـار الغنيـه=اللي يطريهـا الرجـال الزحازيـح
في جيب فاكس ار ٍ ولابـه حليـه=يرقى الجبال النايفـات الصلافيـح
سواقه عتيبـي ويـا حـي حيـه=عنده مع اهل الطيب سلم ومشابيح
حتى وصلنا وسـط نجـد العذيـه=في عبلة ٍ فيهـا الخزامـا مفاتيـح
الجـو راايـق والضمايـر نقيـه=وابروق في وسط السحايب مكاشيح
وجبنـا قـدوع البـدو والشاذليـه=وجات العلوم اجزال شعر وتمازيح
قلت اسمعـوا يارفقتـي والتحيـه=هذي قصيـده والمعانـي مناقيـح
قلبـي معنـا فيـه تسعيـن كيـه=من وقت مايرحم وعـز المشافيـح
يرتاح لا سجيـت رجلـي شويـه=البر يشفـى للقلـوب المجاريـح
وختامها صلـوا عـدد كـل نيـه=على رسول الخير نـور المفاليـح

يطربني المسيار بـأرض(ن) خليّـه=دار الحياء شوق الرجال الطحاطيـح
ياجعلهـا للسيـل صبـح وعشيّـه=من وبل همّـال المـزون المراويـح
تغسـل ثراهـا مزنـة(ن) عقربيـه=ترضي النفوس القانعـه والمشافيـح
الين تصبـح روضـة(ن) نرجسيـه=حدودها بـه ياسميـن(ن) مواشيـح
والنفـل زايـد زينـهـا جاذبـيـه=وفيها الخزامي والـورود المفاتيـح
جنـه فدنيـا ..لا ياخوفـي علـيـه=أقول شيء(ن) ثم يحتـاج تصحيـح
أرض(ن) ثراهـا يستحـق الحميـه=نحمى حماهـا لـو غدينـا مذابيـح
والشمس تحجبهـا الغيـوم الدفيـه=والليل نسهـر بـه بليـا مصابيـح
بيـن العلـوم الغانمـات السمـيـه=وبين القصايد والقصص والتمازيـح
ولا معـك غيـر النفـوس النقيـه=اللي يعينونـك علـى هبـة الريـح
ولا بيننا يا أخوك نفـس(ن) رديـه=لن الـردي مايعـرف الا السلاتيـح
تكـرم وتكـرم قــرب الشاذلـيـه=اللي على جال السمر قربـة تفيـح
عقبال ما أشربها فـأرض(ن) حليـه=للي ذكـرت أوصافهـا فالتصاريـح
مشتـاق والله للربـيـع ومجـيـه=ومن كثر شوقي شف عيوني مجاريح
والشوق صـادق لا ولاهـو شويـه=عـل وعساكـم تفهمـون التباريـح

يطـربني الـمـسـيـار بـارض ٍ خلـيّـه=دار الحياء شوق الرجال الطحـاطيح
يـاجعلـهـا بـالـسيـل صبـح وعـشيـه=من وبل هـمّـال المـزون الـمـراويـح
امــزون صيف ٍ وصقعـي ابـرديـه=غطا على شـعـبـانهـا والصحاصـيـح
حتى يجي للارض ريـحـه زكـيـه=ريح الثرى ينعش اصدور ٍمجـاريح
شــوف الربـيـع يـجــدد الـمـعــنـويه=لاشـفـت بــراق الـمـزون الـمـلاويـح
هــاذي غـنـاتـي والـعـلـوم الـمــديــه=مـا كـل رجـال ٍ يـحــب الـمـسـاريـح
لا صرت فالمـقـناص بالـبـنـدقيـه=وحزامك رصـاص ٍ اخشومه مطافيح
حـولك نشـامـا رايـهـم بـالـســويـه=نـقــوة رجــال ٍ كـلـبـوهــم مـصـالـيـح
اهـــل وفــاء ورجــــال ٍ ابــوارديـه=رجــالـهــم يـقـلــط على هـبت الريح
بـعـض الـرجــال اخـوتــه شـاذلـيـه=مـن ويـن مــاوجهـت تـلـقـا لهـا ريـح
انـا اشـهـد اني مـاعـشـقـت الـرديـه=ولاهــو تصنع لـجل بعـض الـتمـاديـح
الـبـر الــه فـي مـهـجـتـي قـابلـيـه=شـوف الربيع وشوفت الـفـطـر الشيح
مـن بـحـرجـده لـيـن نجـد الــعــذيـه=الـيـا الـخـليـج الـيـعـربي والـتـباريح
شـد المـسـامـه فـوق ظهـر المـطـيـه=هـاذي ديـار اهـل الـوجـيـه الـمـفـاليح
وخـتــامـهــا صلــوا لــرب الـبـريـه=خـمـس الـفـروض وكـثـروا فـالـتـسـابـيـح

يطربني المسيـار بـارض خليـه=دار الحيا شوق الرجال الطحاطيـح
ياجعلهـا لسيـل صبـح وعشيـه=من وبل همال المـزون المروايـح
لينن كـل شعيـب ركـب ردعيـه=ولاغاض ماه انهل فوقـه كواثيـح
حقوق وسم(ن)من جزيـل العطيـه=من وقع سيله جرح الارض تجريح
نهـار رابـع بـذرة الخـد حيـه=ومداد وليه بالعشـي والمصابيـح
عشريـن لليلـه ماتخالـف نويـه=وعقبه يزين البـر للهل المراويـح
خطوا الرجال اهل الظفـر ولحميـه=نزهين جمعاهم على هبـت الريـح
ومن الحزابـه ولمـو كـل شيـه=تواعـدو مـرواح ولا مسـاريـح
وطبولهـم قفـراً عشوبـه نديـه=متخالطن نوار نبـت الصحاصيـح
تضحك زهوره فالفيـاض العذيـه=وفيه ام سالم تزعج الصوت وتصيح
ولاهب ذعـذاع النسيـم ضحويـه=جا للخزاما والشمطري معه ريـح
ثم شـب نـاره راعـي الشاذليـه=وصكو عليه اهل الوجيه المفاليـح
وجا للسوالـف والشعـر قابليـه=وفنجال كيف يّنـزّح الهـم تنزيـح
انشهـد انهـا سجتـن عالمـيـه=مامثلها عنـد الرجـال الزحازيـح
تسوى القصورالي قببها علّيّه=لوذهبت بيبانها والمفاتيح

يطربني المسيـار برض(ن)خليـه=دار الحيا عشق الرجال الطحاطيـح
ياجعلها بالسيـل صبـح وعشيـه=من وبل همال المـزون المرازيـح
في ساعة(ن)يربض بها كـل عيـه=وخبل(ن)يجالس عاشقات التساريح
وانا مع ارجال(ن)تعـرف الحميـه=مايتركونك مع شقى حضك اتطيـح
وجدي عليهم وجـد ماهـو شويـه=وجد النشاما للقنـص والمساريـح
في مرتـع الغـزلان والنـار حيـه=وريح النفل يعانقه ريحـة الشيـح
والدلـه اللـي بهـرت شاذلـيـه=ومنها العويدي وبنها ريحه يفيـح
ويسوقها النشمـي عليـك وعليـه=واسوقها فزعة رجل دون تصريـح
ويـذا بغـو شاعـر اقـدم هديـه=من فيض شعري والمعاني مصابيح
ابيوت شعر(ن)والحـروف ابجديـه=مفهومة المعنى ومن دون توضيـح
الرجل يعرف وبـه يقـارن خويـه=ومن عاشر الطيب يبشـر بتفليـح
ومن عاشر الرديان جـاب الرديـه=وكل(ن)بهدنيا على شكلـه يطيـح
ومـن لايقـدر عشـرتك فالبريـه=خله بعيد(ن)عنك وعن عشرته زيح
ومن لايعرف الطيب لارحـم حيـه=هو بس وشهوله اله حال(ن)اصحيح
المـوت اريحلـه ولمـه و بـيـه=ولخوه حتي لو على بعـده يصيـح
ماينفقـد لومـات مليـون زيــه=علم(ن)صحيح ولايبي زود تصحيح
واستغفـرك يالله عـن كـل سيـه=ياواحدن بمرك عجل يمشي الريـح

يطربني المسيارفي ارضٍ خليه=دار الحيا حياء شوق الرجال الطحاطيح
ياجعلها للسيل صبح وعسيه=من وبل همال المزون المراويح
من وبل وسميٍ تظافت رفيه =ولاصافقنه عاتياتٍ من الريح
واليا أستقل وصارللمزن فيه=تنهل عبرات السحايب مشاويح
وينهل من غر المزون برديه=بسيلٍ يجرح صامل الارض تجريح
ويطرق على هاك الفياض العذيه=ويطلع زهرها مثل نور المصابيح
ويسوق له راع الغنم والمطيه=بعد علوم اهل الوجيه المفاليح
قالوحياء ماصارمثله وزيه=والعلم للظفران اشارة وتلميح
يازين سج الرجل فيهاشويه =مشيٍ ورى شقح البكار المضائيح
هذا طراة الروح ياهل الحميه=ايضا وطبٍ للقلوب المجاريح
سج القدم على ثرى ارضٍ طريه= يبعد همومن للظمائر مدابيح
مع الفجوج الشاسعات النقيه=اخذبها عن ضيقة البال تصريح
في تختخٍ خالٍ تطارد حليه=شوق وطرب لهل القلوب المشافيح
بالعون يجذبني لها جاذبيه= ونسمة هوها للظمائرمفاتيح
وابعد عن اصحاب العلوم الرديه= اللي سوالفهم سوات الذرانيح

يطربني المسيار بأرض ٍ خلــيه=دار الحياء شوق الرجال الطحاطــيح
(با جعلها بالسيل صبح وعشــيه=من وبل همال المزون المراويــــــح)
يظفي على كل الجزيره بريـــــه=دار ٍ بها للدين منبر وتوضـــــــــــيح
ستين يوم ٍ سيلها من ولــــــــــيه=الخالق الرحمن ومدبر الريـــــــــــيح
همالها ودان يقفى برديــــــــــــه=تالي ربيع ومقدم الصيف تفريــــــــح
لبدو ٍ تسوق اظعونها في نويــــه=واللي لهم فالمدن بوش وفلالـــــــــيح
استبشروا بالخير من عقب ذيــه=كل ٍ على مرباه قاد المصالــــــــــــيح
ذود وشواوي في فياض ٍ عذيــه=شوف الجهامه مع طلوع المساريــــح
ترعى بقفر ٍ مستوي للرعــــــيه=ريح الخزامى والنفل عطره يفـــــــيح
ايضأ اليهق والعرفجه مع نصيه=والربل والبسباس مع طلعت الشـــــيح
باقي جلال العشب يا زين فـــيه=ما كنه الا نبت غرس ٍ مداويــــــــــــح
هو شف من يقنأ الغنم والمطـــيه=واللي ينوس ديارها باله يســــــــــــيح
يلقأ رجال اتقول للضيف حـــــيه=رحب الجناب مع الحشام المفالـــــــيح
اقلوبهم للضيف مهيب نــــــــــيه=قدره صحون ٍ نابيه بالمفاطـــــــــــــيح
هاذي طرات الروح قبل المنـــيه=لوهي تمني والاشاره بتلمــــــــــــــــيح

يطربنـي المسيـار بـأرضٍ خليـّه=دار الحيا شوق الرجـال الطحاطيـح
ياجعلهـا بالسيـل صيـح وعشيّـه=من وبل همـال المـزون المراويـح
يثري ثراهـا ليـن تصبـح زهيّـه=وتصبح خباريها من الماء مطافيـح
في خدها الأخضـر يوامـي نصيـه=يلعب مع النسناس لا هبـه الريـح
تلبّسـت مـن بعـد كانـت عريّـه=ثم أشتبك نوّارها في ثـرى الشيـح
ريح الخزامـى والنفـل فـي دويـه=في خايـعٍ ممطـور نبتـه تطاريـح
وأم سالـم اتجـر الغنـاوي عليـّه=تطرب بحسن الصوت من به تجاريح
مع لحنهـا آجـر البيـوت الغنيّـه=أبدع واعـدي فالرجـوم الصلافيـح
أمشي تحت ظـل المـزون النشيـه=الراويـات الصـادرات المساريـح
وليا اختبت شمس السماء في الثنيـه=شعمـت نـاري للوجيـه المفاليـح
وقهويتهـم مـن دلــةٍ شاذلـيـه=في مجلسٍ ربعه على هبـة الريـح
وجـات العلـوم الوافيـات الطريّـه= اللي تفرق قاسي الهم وتزيح
وذكر الـذي يحـي القلـوب البليـه=ذكره على عتـم الظلايـم مصابيـح
قـدام تطرحنـي سهـوم المنـيـه=ألحـق حياتـي والليالـي مدابيـح
أتـلا حياتـي والنصايـب علـيّـه=ليه العنا ؟ مادام للنفس تصريـح !!

يطربني المسيـار بـأرض خليـه=دار الحيا شوق الرجال الطحاطيح
ياجعلها بالسيـل صبـح وعشيـه=من وبل همال المزون المراويـح
يبرق مقادمهـا ,,ويسمـع دويـه=ويرزم مطرها فالمخاييـل ويطيـح
وأجزل علاهـا يالولـي بالعطيـه=لين النفل ينشاف قالط على الشيح
والعشب نامـي والفيافـي رويـه=وكن الزهر فيها صفوف التراويح
ومسمع نغم صوت الطيور الشجيه=وترتيلة القـرآن قـدم التسابيـح
وسج القدم للرجم وقت أضحويـه=ومشاهد الرعيان,, حزة مساريـح
ماقدمك ألا الذود يرعـى النسيـه=عفر علاها من بياض المصابيـح
ترعى بها مابيـن هـذي وذيـه=في مهمه ماحط دونـه تصاريـح
وفي منظـر خـلاب نـادر حليـه=شف الكبود ,,الضاميات المجاريح
مع رفقـة عـز الخـوي لخويـه=مقعادهم دايم,, على هبـة الريـح
الكيف للفنجـال,, والنـار حيـه=والقدر يطبخ من على الجال ويفيح
وسوالف تندار حسـب السجيـه=وجلسة وفا مابين جـد وتمازيـح
هذي طراة الـروح,, والمهمهيـه=وكنز الغناة اللـي بليـا مفاتيـح
ويارب فضلك.. والحيـا والعطيـه=منك ولا مـن اليديـن المشافيـح

يطربني المسيـار بـأرض خليـه=دار الحيا شوق الرجال الطحاطيح
ياجعلها بالسيـل صبـح وعشيـه=من وبل همال المزون المراويـح
سجّة طرب تشف القلوب الشقيّه=منها دوى كل القلوب المجاريح
إليا مشينا فالديار العذيه=يسلا بها قلبٍ به الهمّ و يسيح
من فوق جيبٍ يطوي المهمهيه =هو منوة الشجعان دون السلاتيح
اللي ما صمّم فالمديلات زيّه=فكسار منوة مبعدين المشاويح
أبعد عن أصحاب الوجيه الرديّه=وأخاوي أصحاب الوجيه المفاليح
البرّ مشيه يرفع المعنويّه=مع شوف طلقين اليدين الزحازيح
و يا ما حلاها شربة الشاذليّه=العصر في ظل الفيايا المداويح
في فيضةٍ نسمة هواها نقيّه=والنار شبّوها على هبّت الريح
جلسة شرف في وصفها عالميّه=على علومٍ طيبات و مفاطيح
والهم ما يطري لك الله عليه=نا خذ و نعطي في جزال التمازيح
والكل منا ما يخالف خويه =محدٍ يقول العلم يحتاج توضيح
تداولوا سرد العلوم الطريّه=ربعٍ على كسب الجمايل مشافيح
أهل الوفا واهل الكرم والحميه =صدورهم سداً على العز ما بيح
ما احدٍ بملحقني بقولي زريّه =إلاّ اللذي عقله من المعرفه ميح

يطربني المسيار بأرض خليــــه=دار الحياء شوق الرجال الطحاطيح
ياجعلها بالسيل صبح وعشيــــه=من وبل همال المزون المراويح
يسقي ثراها من حقاق برديــه=ينبت بها النوار والربل والشيح
أليـــا طرالي فالمناهيج نيــــه=خاويت قوم مابهم نذل وشحيح
أهل الولع وأهل اليدين النديه=وأهل الحرار مباعدات المشاويح
اللي لهم فالوقت روحه وجيــــه=نوبن مراويحن ونوبن مساريح
الله على نون تنشا نشيــــه=وركوم مزنه فالمناشي مطافيح
بــرقه طوال الليل نارن لظيــه=ودوي رعده يجفل الفطر الفيح
سيله جديد ولا وطى القاع زيه=وأرضه قفر مابعثروها السواريح
متخالطن نبته ويرتــع رعيــــه=وطلع الزبيدي في وصوفه دراميح
وتلقـــا الحباري منوة الصيرميه=شيهانة ماقرنسوها المشافيح
يأهل الجيوب اللي لها مقدريه=والكل منها يسبق البرق والريح
سوقوا بنا في فياض نجد العذيه=نبى نسج الرجل فالأرض ونسيح
سج القدم فالبيد والروح حيه=يشفي قلوبن من زمنها مجاريح
يالله طلبتك وأنت رب البريــــه=خيرن يعم .. يبدل الدهر ويزيح

يطربني المسيار برضن خليه=دار الحياء شوف الرجال الطحاطيح
ياجعلها للسيل صبح وعشيه=من وبل همال السحاب المراويح
محلى الربيع اللي تطارد نصيه=مشيٍ معه يبري القلوب المجاريح
يازين نبته في الديار العذيه=ويازين ريحه كل ماهبت الريح
محلى جلوسٍ فيه والنار حيه=ومعك الرجال اللي تحط المفاطيح
وفالبر مزين صبة الشاذليه=وسوالفٍ بين الوجيه المفاليح
وقت الربيع الناس روحه وجيه=فيه الاناسه للضماير تفاسيح
نبته دوى للعله الداخليه=يتعبله الرجال ويقوم ويطيح
والبر يبغى اهل العزوم القويه=ماهوب جايه من يحب المساديح
والبرمامثله ولافيه زيه=نبت الحياء زين وعروقه مسابيح
ياعاشقين البر هاذى وصيه=لاتتركونه والليالي مداويح
مدالنظر فالبر يبعد شويه=ونبته يجيب العافيه والمرابيح
نبت الحياء يبري الجروح الطريه=من بات به ليله يبي يصبح اصحيح
والنبت اخير امن الديار السنيه=علمٍ صحيح ولايبى العلم تصحيح
وختامها يالله رب البريه=تسقي الديار ونطلبك فالتساميح

يطربني المسيار بارض خليه=دار الحياشوق الرجال الطحاطيح
ياجعلها بالسيل صبح وعشيه=من وبل همال المزون المراويح
يهل وبله فوق دارا عذيه=من قو سيله يجرح الارض تجريح
ومن عقبها تنبت ديارا سنيه=تروح شذا عطره مع هبت الريح
ارضن خلا مادوجت به رعيه=يفرح بها راع البكار المصاليح
البر مابه ياعرب شى زيه=خصت اليا خاويت ربعن مفاليح
اهل الكرم والطيب واهل الحميه=خوة نشاما تسعد البال وتريح
ماحدن يشيل بداخله مكرهيه=الكل منهم كاسبين التماديح
يازينها لامن علق طليه = ودلال فوق النار مركاه وتفيح
ايصبها قرمن ينومس خويه=يا عل منهو عذربه حضه ايطيح
في روضتن خضرا تطارد نصيه=فيه ام سالم تزعج الصوت وتصيح
يازينها مابين روحه وجيه=ونوار عشبه مثل نور المصابيح
وان حان وقت الفرض صلو سويه=والراي واحد جد والاتمازيح
هذي طراتن لنفوس الشقيه=ويعالج قلوبا من الهم مجاريح
وصلاة ربي عد خلق البريه=واعداد ناس(ن)تذكر الله بتسبيح
علي نبين حطم الجاهليه=واعداد من صاموا وصلوا تراويح

يطربني المسيار برضن خليه=دار الحياء شوق الرجال الطحاطيح
ياجعلها للسيل صبح وعشيه=من وبل همال المزون المراويح
من بعدها راحت تقول محمية=والعشب بزهورة مغطا على الشيح
الصبح تنظر للزهور الندية=مثل الخرز في عقد والا مسابيح
وان هب نسناس الشمالي شويه=قلت العطر منثور بين الصحاصيح
الشمس تعكسها الخباري عليه=(تقول نافورة وراها مصابيح)
صوت ام صالح بالفياض العذية=تعزف طرب منه القلوب المجاريح
يازين فيها صبة الشاذلية=في مجلس يلفى على هبة الريح
ما دار فيه الا العلوم الطرية= سوالف رجال وقصيد وتمازيح
في نارهم يازين ريح الشوية=وان جاء عشاهم صيد والا مفاطيح
كل على الخدمة يسابق خوية=ما فيهم اللي قاصرين المشاويح
عشرة نشاما ترفع المعنوية=معهم على سج الخرايم تصاريح
هذا هواء بالي ولا ارجي سويه=البر ومخاوى الرجال المفاليح
والمشي في وضحٍ لها جاذبية=هاذي تراها للسعادة مفاتيح
والله ما اغبّط اهل الجيوب المليئة=لو يجمعون المال دايم مشافيح

يطربني المسيار بارض خليه=دار الحيا شوق الرجال الطحاطيح
ياجعلها بالسيل صبح وعشيه=من وبل همال المزون المراويح
يهل وبله فوق دارآ عذيه=من قو سيله يجرح الارض تجريح
ومن عقبها تنبت ديار سنيه=تروح شذا عطره ليا هبت الريح
ارضن خلا مادوجت به رعيه=يفرح بها راع البكار المصاليح
البر مابه ياعرب شي زيه=خصن لياخاويت ربعن مفاليح
اهل الكرم والطيب واهل الحميه=خوه نشاما تسعد البال وتريح
محدن يشيل بداخله مكرهيه=الكل منهم كاسبين التماديح
يازينها لامن علق طليه=ودلال فوق النار مركاه وتفيح
ايصبها قرمن ينومس خويه=ياعل منهو عذربه حضه يطيح
في روضةٍ خضرا تطارد نصيه=فيه ام سالم تزعج الصوت وتصيح
يازينها مابين روحه وجيه=ونوار عشبه مثل نور المصابيح
وان حان وقت الفرض صلوا سويه=والراي واحد جد والا تمازيح
هذي طراةٍ للنفوس الشقيه=وتعالج قلوبٍ حزينه مجاريح
وصلاه ربي عد خلق البريه=واعداد ناس تدكر الله بتسبيح
علي نبي حطم الجاهليه=واعداد من صامو وصلو تراويح