سلامي على الهيلا وللشعر عشاق = ولاصرت عاشق شعر روح لعتيبه
نبى نبذل المجهود والله بالاوفاق = وكلن ترى ما ياجد الا نصيبه

هلامرحبا ترحيب والبال مشتاق= هلا مرحبا عند الرجال العريبه
توكل على اللي محص الانفس والارزاق=ولا خاب منهو فالرجاء يلتجيبه

يدوم البقا لك من عريبين الاعماق = وذا الليل مايكفي صحيب(ن) صحيبه
يقولون ابه في المزن راعد وبراق = ولاينحسب حتى يسًيل شعيبه

بعد جابك الله فالطلب درج الساق=وابا انشدك ويش الوسم والعلم جيبه
يبا يشرب الضميان وتبل الارياق=وراع الوفاء والطيب يجزاء بطيبه