قصيدة لمرير الحبيل الحمادي العتيبي
 

السلام عليكم ورحمة الله وبركاته

قصيدة موجهة من مرير الحبيل العتيبي إلى شاعر حرب عبدالرحمن

ذيبان الحربي




ويطلب منه المشاركة بأحد الالغاز الطويله التي يطرحها

ويقول فيها :



راكب الي لامشى الخط الطويل = لو مشى يومين ماجاب الملل

اسمحولي باصفه وصفن قليل = عقبي وصفي ياعسى دربه سهل

اقصد الفكسار ماغيره بديل = لعنبو من صممه لين اكتمل

امدحه وان مامدحت اخر موديل = ويش بامدح موترن غيره اجل

وارد اليابان ماجاله مثيل = اقطمن فالسوق مامثله نزل

ابيضن لونه مثل زبدت صميل = ورث من خشمه مثل خشم الفحل

لون زيكه لمعت السيف الصقيل = ولمع برق في خيال منهمل

والعلامه لاسرى مثناة ليل = في جبينه كانها كوكب زحل

والاشاره لونها جمرة كليل = يتلالى مثل منتوج النحل

والازره داخل الكشن الجميل = دايريه حجمها كبر الهلل

والخطوط بشاشته صفة فصيل = تزهر ارقامه مثل ورد النفل

ويتهزى مثل نقاض الجديل = ومنوته مثناة خط لانسحل

ويتنهض لابرمه فالقاع ويل = وان بغيته يعتلي راس الجبل

كنت اشيله عن عزاز الارض شيل = وفيه من قدام دفرنس الدبل

اسود كنه حصاة من حقيل = لنفود مصممينه والوحل

ماورد مثله مواتر مستحيل = ان رضى راعي السفاري وان زعل

الجيوب اوصافها فراس خيل = من خويه جيب ماجاه الزمل

افترد عبد اللطيف الهن وكيل = وعامل اليابان وانصح بالعمل

فوقها الي لامشى الغدرا دليل = ويتحمل لشقى مثل الجمل

في لزومي عن طريقه مايميل = ولانخيته ماتمشى بالمهل

حوله محافة الضلع المهيل = لين عنه طويق قدام انعزل

ماسمحله ياعسى جاله يسيل = لو سمحله زيد سواقه وصل

ولاتساوى مر مراتن يعيل = ولاتعدى من ورى شقرا انعدل

ثم تنهض مابقى لوكان ميل = داخل الطبلون والخط انحل

شد حيله مابقى بالحال حيل = لين ضاق الكون جا كبر الدحل

والهوى عن رفرفه جاله شخيل = راسين ومرسيه عرض العجل

المراكز ماتعرضله سبيل = خابرينه عن هدفهم مستقل

ثم تنصى الاصيل ابن الاصيل = لاوصلته فاصفطه قدم المحل

تاجد اللي داخل المجلس ثقيل = ولاتكلم ماتلفظ بالزلل

الكرم تلقى اوله بنن وهيل = والسوالف والحجاج المسفهل

والشبب ومعزبك ذباح حيل = تفعله يمناه لاجاه الشلل

قل لــ أبونيان كساب الجميل = ويش رايك ندرج اسمك بالسجل

غنوا الشعار ومرير الحبيل = تيحت الفرصه لرجالن يحل

واستلم ماقيل واجني بالحصيل = واركب المبروك وارجعلي عجـــل


وتقبلوا تحيااااتي ,,,,,,,,,

صح لسان الشاعر العلم الكبير مرير الحبيل والله يبيض وجهه


مشكور يالحمادي..

الله يسلمك


وانشاء الله فية ازود