قصيدة " حنا العرب " لشاعر الحُكام السته عبدالله السميري صوتاً وكتابه
 

رفاع اسمعكم قصيـده جديـده
على لحن ياعين ياليل ياعيـن

الشعب وافي والحكومه رشيـده
وأوضاعنا نقطة قلم بين قوسين

ونفس الكلام اللي نقوله نعيـده
اكبر قضيه هي قضية فلسطيـن

فقيرنا يمشي مع الدرب سيـده
وغنينـا مايعتـرف بالقوانيـن

كريمنا في البنك صفـر رصيـده
وبخيلنا وصل حسابـه بلاييـن

يا أمّة الإسلام يا أهل العقيده
العز بالله والتعاون على الدين

ياشعوب ياحكّام ماهي بعيده
تنهار الأمّه في نهار ونهارين

تكاتفوا ونحقق اللي نريده
ونصير صف / ويركدون الشياطين

حنا العرب وأهل الصفات الحميده
حنا العرب وإخوان فالعسر واللين

بالله كيف نعيش عيشه سعيـده
والعام حنا حزب واليوم حزبيـن

يسبنـا شـارون ونقبـل ايـده
ويقول فري قووود ونقول قودين

وحنا بعض كلامنا ما نجيـده
ونسوي انا فاهمين وعلى الدين

نجهل حقوق الله وحنـا عبيـده
ولانعترف بأنا غلابـا مساكيـن

وانا عنيد وعاشق الـي عنيـده
عزي لمن يعشق بنات السلاطين

هي بنت ناس ومنزلتهم مجيـده
وانا من عتيبه سعوط المجانين



رفّاع هو الشاعر رفّاع بن سعود العضياني

الف شكر ياخوي ماجد بن هلال




وتقبل تحياتي

:)مشكور والاهنت على القصيده:)

ماضنتي رفاع العضياني الي مذكور في القصيده

لانه يقول رفاع اسمعكم,,;) ماقأل ..رفاع اسمعك


>>>>>>>>>مسوي ناقد:D:D


ومشكور وبيض الله وجهك ولاهنـــت

عبدالله يخربط ويبربر ويضحك وصاير مسخره على المسرح.. وين يوسف يتعلم منه

صدقت ياراشد ولكن بيتأهل للسته واذكرك

انا اشره على اللي يمشون معه ليه ما يعلمونه يثقل شوي تراه يمثل قبيلته وانشاء الله انه مايتأهل ويفشلنا مره ثانيه

بيض الله وجهك اخوي ع المقطع



الشاعر عبدالله غني عن التعريف

والله ان عبدالله شاعرر بسس ابيه يركد شوووي

والله ان اول مرره يوم شارك فيهااا احسبنه بينززل يسلم على اللي في المسررح كله هههههههههههههههههه


بس الله ستررر اببك تكفون لو احد يعرفه قولووله يركد ويثقل شوي بسسس