بيني و بينك يالجذع سلطان فالدعوى نقاش= المشكله كبرت و لا يصعب علينا حلّها
الجوهره كيف اصبحت فالسوق قيمتها ... بلاش=اللي فريدٍ نوعها بين الجواهر كلها

سولف ومكنون الضماير ياعلي مدفوع كاش =حتى نحقق حلها ياصاحبي في حلها
لومك على القناص يبغا راس ظبي بلا عراش =والا سمان الصيد زل دروبها مادلها

موظّف الدوله على وظيفته ياخذ معاش =ياللي وثقتوا به ثقتكم ماهي بمحلّها
دارك تعدّتها المخيله ما نزل حتّى الرشاش=هلّت مطرها فوق صبخاً كل يوم تعلّها

ماينطق المظلوم غير بقول عاش العدل عاش=يامل عينه من صواديف الزمن ياملها
حظي مثل حظك ياكثر اللي من الارزاق حاش =واللي تجنب حظ غيري لو انا راعٍ لها

المشكله لن صار قاض المحكمه يافلان ماش=تمرّه الحجّه ولا يدري و لا يفطن لها
أقول .... شبّ النار يا سلطان و يطيح الفراش=ولاّ يابن عسّاف سافر للكويت وخلّها