سلام الله قبل برقا لاتزعل واتضايق روق=قبل لا نلمس الخشم المحشم نلطم عيونه
والا يابن الجذع تدري عليك احقوق والك احقوق=على قول المثل تطمع من الحجاج حاجونه

هلا.. واللي بعدها قبل تهرج حسن المنطوق =قبل لمس الخشم ...وين الذراع اللي تمدونه ؟؟
بضاعه بايره لكن قفل فوقها الصندوق =ترى عيب الجهاهيل الكلام اللي يقولونه

تقوله وانت ماتدري عن اللي تحت واللي فوق=تدربيها وترجع من بعيد الشوف مديونه
انا ماجيت ببضاعه واخبرك ياوليد السوق=تطيع النفس وانفوس البشر قشرا وملعونه

الا يازينك (مبصم) وساكت ...لاقربك العوق=صخر واللي سواته مااتعب التفكير فلحونه
والا ياصخر جنب كان مانت مصخر الطاروق =ترى كلٍ مولع جمرته في راس غليونه

تذوق المرّ حاالي .. مانلومك ياعديم الذوق=شراتك ينعرف قبل الكلام بشكله ولونه
لبست البشت مقلوبه وتحته ثوبك المشقوق=يغرّك ضحكة اللي مادرا قلبه عن اسنونه