سلام الله على نايف ولد ملحق وكيف الحال=وكيف الحال يانايف ولد ملحق عقب غيبه
وراك تغيب ثم تعود بالطاروق والموال=لكنّ الحمل لا عوّدت بالموال تسريبه

هلا يامرحبابك يالمسلم والحمول اثقال =يامعجب شيل حملك فوق ظهرك وانت ضاريبه
تري ماهي غريبه لواجي واروح يارجال=لاكن المشكله بعض العرب ينسي مواجيبه

يدوم الك البقا يانايف الروقي وزين الفال=وانا مستغرب انك ياوسيع العرف تدريبه
تجي وتروح لكن عطني الزبده من التجوال=وابو عذروب مدري كيف تاصال له عذاريبه

ترانا ياالعتيبي نعرف الرجلي من الخيال=وعلمن مايفيدك يالعتيبي لاتجينيبه
تبا الزبده يا معجب ياعسي الله يستر الاحوال=ترانا نعرف الرجال من صدقه وكاذيبه

ترا منت بعلي فالح فلاح ولاانت ابن مصقال=ولا مرزوق ابن حمدان لوّ انك تهذريبه
غيابك في لهو ياصاحبي والا بجمع المال=انا ادريبك تحب الصدق والصادق نماريبه