إذا هي بالحميّا يا المحيّا = ترانا عتيبه رجال الحميّا
لا يشغل بالك التصويت مرّه = وباقي عرق للفزعات حيّا
حميّا ( روق ) مع فزعات ( برقا ) = تجيك هناك / لو إنّك هنيّا
رفعنا روسنا بمشاركاتك = وسمعتنا قبل فوق الثريّا
وقفت ووقفتك وقفة مواقف = كأنّي بك تنادي المجد هيّا
أنا أمثّل ( بلادي ) وأنت مطلب = وأمثّل ( ربعي ) و جاك يتهيّا
وقال أبشر يا ( بندر ) سم و آمر = وهو لا من دعاه الغير عيّا
كسبته .. والقصيد الجزل عندك = قصيد / و مجد .. وش عاد إتّريّا ؟!!
تبي تصويت ؟!! / والله ما نردّك = و أبعلّمك مافيها كنيّا
لا يشغل بالك التصويت مرّه = وباقي عرق للفزعات حيّا
و ترى فالمملكه كلٍ يوصّي = ترى ( 6 ) رقم ( بندر محيّا )