اكتبي يا قلام بالمعنـى سطـور= سطريهـا فـي تعابيـرٍ جـزال
الفلـك دوار والدنيـا تــدور= والهلال ان غاب يقفـاه الهـلال
يالبنـادم لا يعديـك الـغـرور = خل مشيك في حياتـك بإعتـدال
واخلص الطاعة لرحمن غفـور= واحفظ حقوق الولي عز الجـلال
احسب لخطوتـك قـدام العثـور= واعرف دروب الحرام من الحلال
الصـلاة الواجبـة للعبـد نـور =هي عمود البيت والساس العدال
والدينك كملـوا فـي كـل دور = واسهروا من شانك بعسر الليال
لا يجيهم منك إهمـال وقصـور = واكسب رضاهم على كل الحوال
وخلك لدنياك لا ضاقت صبـور =الصبر بعده فرج لو كـان طـال
وخل لك بالمعرفـة والعلـم دور =والسماحة خلها لـك راس مـال
استخير الله فـي كـل الامـور= واعرف لوزن الخفاف من الثقال
اصدق وصادق ولا تهرج بزور=ولا تضيع وقتـك بقيـل وقـال
القناعة كنز في بعض الصـدور =من كسبها حاز زينات الخصـال
ولو يطولن الليالي والشهور = أشهدن الموت يأتي لا محال
سنة الله من قديمات العصور = هكذ الدنيا نزول وأرتحال