سلامي على العتبان من بعد غيبه= وانا اظن بعض القوم سره غيابي
ولكن وصلت وكل طيب وطيبه= ابي شاعر ٍ ياقف معي مايهابي

مراحب بمن سلم ولاهي غريبه = تعوّد بعد ماطاب فيك الصوابي
ولن عدت عدنا والمضارب عطيبه = تبا تنتهي من كثر ضرب الجنابي

يدوم البقا ياللي علومك عجيبه=وتبشر بكية نار فوق العلابي
ليا عدوا اصحاب الفعول الصعيبه=مالك بينهم مطعم ولا لك شرابي

يبا ياصلك موج البحر وتغديبه = وتبكي على عصر الجهل والشبابي
انا لي مع اهل المجد عزه وهيبه = ولكنك انته بين الابطال هابي

من الوقت كل ٍ غير ياخذ نصيبه=وطشك نصيبك بين ضرس ٍ ونابي
والا يالغليم وش معك من كسيبه=تهوز الرجوم اللي بروس الهضابي

المشاركة الأصلية كتبت بواسطة رفيع المنزل (المشاركة 583954) من الوقت كل ٍ غير ياخذ نصيبه=وطشك نصيبك بين ضرس ٍ ونابي والا يالغليم وش معك من كسيبه=تهوز الرجوم اللي بروس الهضابي