الهيـــــــــــــلا *** منتدى قبيلة عتيبة

تدرون وش اكبر مصيبه على الناس
لاحدها الله للضعوف وجهدها
ومن لايجود لابناء تحته الساس
حتى ايش لو زخرف ولون عمدها
وان المنافق لو لقاء فعل جساس
يموت ماينقل شي بعدها
ولو المصالح تنحكر عند الانجاس
كان الضعيف عن السنافي جحدها
واكبر مصيبه بنت شيخ وقرناس
عند الهزيل اللي يضيع ولدها
وقت رقص للي يدقون الاجراس
وتسلطنت قومٍ كثيرٍ عددها
كل يقول الراي ادوسه ولاداس
واللي يداوي العين زود رمدها
رويبضت هالوقت تسمع لها اضراس
والذيب جايع والبلا في اسدها
كل على ماقيل سابح وغطاس
وايامنا تطوى وينسج لحدها
والرابح اللي يوم يقضن الانفاس
يسلم من احقوق العباد وكبدها
الشاعر/ طلال بن هذال بن نشار العتيبي