مانبغا يالثبيتي سلام ولاتراحيب=اخذ حاضر بحاضر وجيب اللي تجيبه
علامك يابن الاجواد خليت المواجيب=وانا ياصاحبي لازم اشرف عتيبه

علامك تترك سلومنا وأنته ولد ذيب!!=تحدّث عن مصيبه..وتحدث لك مصيبه!!
بعيد اعن البطاء والخطاء والشك والرّيب!!=يبى ياصلك قسمك فالأيام القريبه!!

وردنا العد صافي وغثربت المشاريب=نصيبك مرتدي يوم كلن من نصيبه
يمر الوقت ويدور والدنيا مكاتيب=لاكنه مايغير صحيب عن صحيبه

على الضيفان مافيه شرهه يالمعازيب=وعلماً في ضميرك حشا لاتدعيبه!!
براحة نفس.. اقول:- انتم أهل الجود والطيب=لكن الظاهر انّك تباها بالغصيبه!!

انا خابرك حر تعشيك المخاليب=واشوفك في اخر الوقت ترضي بالغليبه
تري حنا هل الاوله وهل المكاسيب=تري ماهيب ياصاحبي حاجه غريبه