قدام مبدأ القصيد الوافي أبا اختصر= ما فيه ذكرٍ يبدأ قبل ذكر الالأه
قبل أمس قابلت لي في الدرب ضبي عفر= أنا اشهد انه يثير الشوق والانتباه
لمحت في عينه اليمنى علامة خطر= ولمحت في عينه اليسرى سهوم الوفاه
أشر بنجلن غلب فيها البياض الحور= وقفت كني سجين شاف سيف ألذكاه
ماشفت غير العيون وجمرتينٍ حمر= مع ورتينٍ قسمها مهندٍ في خبآه
مع صف منظوم لولو سطر فوقه سطر= ما بينها ألا الشهد يا حظ حيٍ جناه
وفهمت من رمشها بالمنطق المختصر= إتقول حب المطوع في البشر ما كماه
وأبطيت محتار بين اقبل وبين اعتذر= والعذر ما يقنع المحتاج كيف ألسواه
وحاولت في قلبي اللي راح قطعة حجر= قال اعتذر والغضي لا عاد تطري هواه
وأقنعت عقلٍ غوى وأرخيت شبح النضر= أمرٍ قضاه الفواد اللي على الله جزاه
يا كامل الزين قلبي جف ماهو خضر= يبست عروقه من أحداث الزمان وعناه
إليال فيها غنا وإليال فيها فقر= وأكثر ليالي حياتي وأحمد الله غناه
وإليال فيها فرح وإليال فيها كدر= وأحداث الأيام كم حيٍ تكدر صفاه
وإليال فيها عبر لأكن من يعتبر= الناس مثل البذر والوقت مثل ألرحاه
والزرع يطلع على بذره وينتج بذر= وإن طب وسط الرحى دارت عجلها علاه
يا ضيقت البال خاويتي طويل السفر= ايت أناااسه وطولت بال وايت حياه
وشهي مزايا حياةٍ تاليتها قبر= من مبتدأ العمر خوف وذل لا منتهاه
ضاقت علي البسيطة كلها في شهر= وهذا ابتلا من المولى وهذا عطاه
ماله سوى الحمد وإله أغلى الثناء والشكر= قدر لاكنه لطف بي خالقي لا سواه
قالو و قالو ولا حيٍ يرد القدر= والخير ما اختاره الله رازقي من سماه
قالو صبر وانتضر قلت ايه ويش انتضر= مالي سوى الصبر والصابر يحصل مناه
لقيت في الصبر وأذكار المساء والفجر= والفرض ومتابع الآيات طوق النجاه
واللي جلى هم قلبي صوت أخويه (مطر)= (الدلبحي) حي ابن (صالح) وعود ٍرباه
أنا اشهد انه رباله قرم عز وضفر= قرمٍ تلبس ثياب ألمرجله من صباه
الطيب والجود أبو صالح لها مستقر= حصنٍ تذرا رموز ألمعرفه في ذراه
وإن كان إبه للشجاعة والشهامة مقر= مقرها رأس أبو صالح وسطوة يداه
عساه يجزا بعفو الله وطولت عمر= يا علني ما أفقد الغالي ولا افقد غلاه
يقول جازان جوه زان وأقفى الدهر= خضره وماء وأنت ثالثها وقلت إيه هاه
قال إيه لأكن إجوني صبح وألا عصر= العمر اله يا حتين العمر قدر وطراه
قلت ابشر ابشر ولا كذبت مبدأ خبر= و خاويت ذخر الشيوخ اللي يعز أخوياه
الشيخ ضاوي ولد هذال شيخٍ ضهر= صيته ولن قيل ابن عبود مدحه كساه
من روس قحطان أهل ماقف وصيت وسطر= قحطان ساس العرب سطوه ونخوة وجاه
ولن جيت أبا امدح وأبا سطر بيوت الشعر= أدنى إقحطاني ثلاث أمية شكر ما كفاه
وخاويت ذاك العديم الوافي المشمخر= سعود كالسيف في يمناك يلمع شباه
الدلبحي حي ذكره والنعم لانذكر= لا قالو سعود كلن قال نعم و زهاه
وجينا لجازان يا عله لوبل المطر= واستقبلونا مع ابن العم خير إزملاه
حوازمٍ من هواشم نسل خير البشر= هم أهل بيت ألنبوه والشرف والرواه
رجالهم كن في عينه تقادح شرر= والجود والطيب يا طيبه ومطيب نباه
وبعد الوليمة سرينا تحت نور القمر= والفهد والنمر بالأقدام دسنا حماه
في رأس ضلعٍ ما فيه ألا الفهد والنمر= ومعنا رجال ألوفا وأهل القنص والرماه
ألحارثي والجعيد وحي هاك الصقر= من روس زهران أبو فيصل يا مال ألغناه
وقمنا فجر لا تعب نشكي ولا من سهر= ثم افترقنا نبي المقناص بعد الصلاه
ثم اجتمعنا الضحى الواقف وقبل الظهر= وكلن يماري بصيده ضبي وإلا قطاه
صدنا وفدنا ومعرفة الرجال الفخر= أغلى من الصيد كنزٍ ما يحدد مداه
يومين لأكنها راحت كلمح البصر= فيها اجتمعنا على عز وحفظنا الوصاه
وودعت أبو صالح الله يحفظه وانهمر= دمعٍ من العين يا ربي تعجل لقاه
ورجعت للي كساها ثوب دين وستر= فيها اكتفي عن هوا(ن) راعيه يلعن ثواه
وبأقة ورودٍ شذاها فاح بأزكى العطر= هدية اللي تعالى واعتلا في علاه
والله لو كان يا لمجمول مثلك عشر= واقلهن من يحلى بالقمر من حلاه
طويت حبل الهوا عن حبكن ونقصر= عد الغواني قصب وقت المعنى رشاه
يا كامل الزين قلبي صلب ماهو خضر= لاعاد عيني تشوفك يا شبيه المهاه