سقاالله ديرت(ن) فيها جمعنا حبنا المنهار= على درب الغلا اللي فيه تجمعنا محبتنا
عساها بالسحاب اللي عليها يثني المحدار= على محداره الأول يعل اربوع ديرتنا
بدينا قصة الأحباب فيها والعمار صغار= على درب الضياع اللي عليه نعيش قصتنا
تعبنا نكتم العله وحنا بأول المشوار= عسى ماهيب عله مستديمه يوم صابتنا
تضيق بنا الدروب وللوسيعه في سمانا اعذار= نخاوي نجمها الساري وحنا في متاهتنا
وفينا لين جبنا العيد فينا والحياه اسرار= قدم تيارها ناقف واخذنا لين شتتنا
صمدنا بالقلوب اللي تصادم موجة التيار= وعشنا لذة الفرقا نتيجة صدق نيتنا
غلاك اكبر عليه من قصيد(ن)فيه طيش اشعار= حداني للتهور يوم حدتني مصيبتنا
على حرف الجنون اللي يخاوي عاقل الشعار= يمر بلهفة العاشق وفيه اسباب ضيعتنا
سقالله ديرت(ن) فيها ذبحنا حبنا المنهار= على درب الغلا اللي فيه روحتنا وجيتنا