مبداى ذكر الله في كل ماقول=الواحد المعبود علام الاسرار
ياعالم (ن)في كل بين ومجهول=تلطف بخلقك ياعليما بالاقدار
تال الزمن وشبه تغير علي طول=وقتن تغير كل مافيه واندار
عقب الرخا فجئه تغير ولاحول=قفي الربيع وقل همال الامطار
البر فضي من عقب ماكان منزول=والناس كلا غير الدار في دار
شيا غريب ولالقيناله حلول=وصارت ليالينا القديمات تذكار
يالله بيدك الخير ياخير مسئول=ترسل علينا الغيث يالله مدرار
ويصير كل الدار بالخير مشمول=ويعم نفعه ياولي كل الاقطار
انت القدير بكل شيا ومامول=منك الفرج يافارجن كل الاضرار
وصلوعلي خير البشر خيرمرسول=اعدادماتنبت بالاوطان الازهار