يامعشر الشعار ليش الاهانة =ترضونها من شأن شهرة ومليون
الشعر له قيمة وقدر ومكانه=ماهوب حيّ الله على ما تسوون
لو قلتوا إنا جايبينا سمانه=ما قلت مسموحين فيما تجيبون
اللي وقف دارين توقف وزانه=ماهوب من نقد المناعير مأمون
واللي حباه الله بعقله رزانه=مايقرب الشبهة ولا يرتض الدون
في مجلس مال الرجل فيه خانة=فيه اختلاط وفيه صاحي ومجنون
بالله ياهل العرف واهل الامانة=ويش الذي في كل حلقة يبثون
كم وحدةٍ تعزف على ليل دانة=ولا باقي إلا من الملابس يعرون
كم واحداً تسبق يدينه لسانه=على الوتر يعزف له أنغام ولحون
واللجنة تدور لبيض السمانة=ما تصبوا لشيء له الناس يصبون
كلٍ مسوي وين.. عنتر زمانه=لكنهم دجة ضحى لو يقولون
تدليس ومحابى وظلم وخيانة=ماسارت الدعوى بلا سير مدهون
ودك عليهم تركي الخيزرانه=حتى عن الشعر ومجاله يتوبون
أقولها شجب ومعارض وادانه=يلي على نشوى الرويني تمرون
دام الهدف معروف دعم الخزانة=أجل وش اللي من ورآهم تحرون؟!

المشاركة الأصلية كتبت بواسطة مرزوق حمدان العتيبي (المشاركة 575466) تدليس ومحابـى وظلـم وخيانـة ماسارت الدعوى بلا سير مدهون ودك عليهـم تركـي الخيزرانـه حتى عن الشعر ومجاله يتوبـون .. مبدع يابو سلطان صح لسانك واعتلى شانك ... سجل اعجابي ...

المشاركة الأصلية كتبت بواسطة بندر المرشدي (المشاركة 575455) مساكم الله بالخير إليكم هذه القصيدة والتي تتحدث عن شاعر المليون كبرنامج وليس عن الشعراء المشاركون أقولها شجب ومعارض وادانه=يلي على نشوى الرويني تمرون دام الهدف معروف دعم الخزانة=أجل وش اللي من ورآهم تحرون؟!

المشاركة الأصلية كتبت بواسطة زيزوم المناعير (المشاركة 575562) صح لسانك على هالقصيدة ولكن الا تتفق معي بان البرنامج كفكره اعاد الناس الى الشعر والهى الكثير من الشباب عن البرامج التافهه بعدين انا كشاعر مبدع بعيد عن الاعلام (( وذلك لان الساحة الشعبية ملئية بالمجاملات والمحسوبيات )) فما عندي فرصه للضهور الا في برنامج شاعر المليون ومهوب أي فرصه الا فرصه ذهبية جدا للشهره في منبر دولي ومتابع من الملايين من المشاهدين فعندك مجموعة شعار مبدعين لم نعرفهم الا من هالبرنامج الذي فتح لهم ابواب الشهره واكبر شاهد ابن فطيس ومحمد مريبد ويوسف العصيمي والسميري وفالح الظفيري وبدر السبيعي وفليح الجبور انا اقول البرنامج جيد من الناحية الاعلاية وتوفير الجو المناسب للشعار ولكنه سلبي جدا من ناحية التصويت والاستغلال المادي ولكن لا يمكن ان نلوم اي شاعر على اشتراكة في هالبرنامج لآنه رأيه هو ولا يمكن لآحد ان يصادره تحياتي لك والاختلاف لا يفسد للود قضية مثل ما يقولون

المشاركة الأصلية كتبت بواسطة معجب العتيبي (سارح البال) (المشاركة 576261) لله درك وصفت فأجدت وضّحت فبيّنت انتقدت فحددت المقصود بكل ماتحمل الكلمه من معاني عرفت مناطق الضعف للبرنامج ولم تتجاوزها الى فكرة البرنامج الجميله هذا هو النقد ننتقد مايستحق فقط ولا نتجاوز شاعر نظم ومحاوره ومافيك حيله شكرا شكرا شكرا