كل ماهبت هبوب النود=حرك الهاجوس عند الشيش
وين ابالقا شاعرٍ نمرود=كل معناً يفتشه تفتيش

كل ما جا حاوي ومردود=والزناد إليا انفهق ما نيش
شاعرٍ ينحت من الجلمود=وشاعرٍ ما غزّه ألا الطيش

القعاطة والصخا والجود=ويش يفرق بينها ياعميش
ورثنا اللي بعد مات العود=شاركونا به سمرمد بيش

الكلام اللي بليا فود=مثل بردانٍ ويلبس خيش
ورثنا بالرمح والعبرود=والبناخي صفوةٍ لقريش

الضوامي صادره وورود=والمزاهب بين سمن وعيش
ادري انك تبذل المجهود=لوتسل السيف ياحتيش

ذا زمان القرد فيه يسود=وانتهت سطوة سباع الهيش
ويش خابر والجموع شهود=حرٍ أشقر ما بقا له ريش

الله انه يرحم ابن سعود=والف الصعصوع والخريش
كل شيٍ فالورق مجرود=وش تعد ووش تخلي ويش

من نشد ما ضيع المنشود=وأنت جاهل والجهل تخييش
ما تفرّق بين بيض وسود=ما ركبت مضمرات الجيش