الهيـــــــــــــلا *** منتدى قبيلة عتيبة - قصيده موجهه ..للشاعر ..محمد الحويماني

--------------------------------------------------------------------------------

هذه قصيده اهداء للشاعر المبدع الخلوق/ محمد الحويماني ولكل منصف للشعر الجميل

بمناسبة مشاركته المشرفه في شاعر المليون

ارفض مقولة من يقـول: القصايـد كـلام

واميل مع من يقول الشعر (وصف الشعور)

والشعر لو ان مالـه قـدر عنـد الانـام!

ماعاش..واللي كتبوه اجسادهـم بالقبـور

ياما سعوا فيه ناسه فـي قضيـة سـلام

وياما قبست منه حرب وسِل سيف ٍ بتـور

والعزم والجزم والفزعـه وسـل الحسـام

اكيـد ماتظهـر الا مـن كبـار الامــور

سـلام ياعتيبـه الهيـلا العـزاز الكـرام

عسى لياليكـم تفيـض ابتهـاج وسـرور

ماجيت وانا اجنبي ..جيت وعلـيّ السـلام

حنا شبابه ..ربع من ماضيـات العصـور

مثـل ماللحربـي بقلـب العتيبـي مقـام

انا بنجـاح الحويمانـي سعيـد وفخـور

لـو ان لاشغـال هالدنيـا علـيّ ازدحـام

دعوة محمد لـي تحتّـم علـيّ الحضـور

صقر عتيبـه كفـخ فـوق الثريـا وحـام

والحر له ميزة ٍ مـن دون كـل الصقـور

ياانـه ينـال وقـت الجـد كـل اهتمـام

والا يعلـيّ ويتـرك صيـدتـه للطـيـور

هو من متى والحرار تحط جنب الحمام؟؟؟

والبومه تحط في ماكـر طـوال الشبـور

ماهـو بوقـت العتـب ولا مكـان المـلام

لكنّ من يرخص الذمـه ماهـو بمعـذور

ولاهـاذي المـره الاولـه يبـور النظـام

هو فيه لعبـه جـرت نظامهـا مايبـور؟

اهم شـي انـك مجمّـل علـي ّ الحـرام

عبـرت بقلوبنـا.. بـلا بطاقـة عـبـور

اسقيت صحرا القصيد بوبل بيـض الغمـام

وشيّدت لك في معاليق الخلايـق قصـور

وحققت في يـوم ماغيـرك يبيـه بعـوام

وخلّيت صدر الحسود يفوح فوح القـدور

ماجبت هالقافيـه صدفـه كـذا والسـلام

مع اختلاف المعانـي واختـلاف البحـور

الا عشان اقتبـس واقـول قبـل الختـام

تستاهل انك تكون انت (القـراح الجهـور

الشاعر / سلطان بن بتلاء الحربي