إليا ذكرت أحوال لاعب وملعوب = أزمان عنها مبعد في إرتحالي
وقت الطفولة والبراءة لنا ثوب = لعب مع اللي مزحها بإرتجالي
عقب التعب نرشف بمزاز سن توب = يبل ريقن خالص لي لحالي
لاصار في الدكان بارد ومجلوب= ياما جمعت ريالها مع ريالي
تقول ياغليم العتبان ما فيك عذروب = إلا حشومك عن جروف الزلالي
تشرب وتعطيني بعود له ثعوب = أعل في مزازها حالي و حالي
من ذكريات بها الفكر مسكوب = أيام كانت تحتضن غالي وغالي
اقسم عن السن توب والله ما توب = عن مشترى اللي نكهته برتقالي
من حر جيبي ما شحذته بمطلوب = شربه على كبدي حلال زلالي
وأنا على الكفار ساطي ولاهوب = قسمي من العتبان عمي وخالي
بعد الإباحة كيف صارت له ذنوب = ولا يقترف في الدين رأي ظلالي
يامطوع علمك قريناه مكتوب = ما شالت حموله سواة الجمالي
في منتجات تركها جهاد مغلوب = دبرة ضعوف عزمهم بالكلالي
يقاطع الكفار سيفن له ظبوب = في موقف القوة عظيم المقالي
الدين له منطق يفهم بأسلوب = يامحرمين اللي من أول حلالي ؟!