الهيـــــــــــــلا *** منتدى قبيلة عتيبة - ليش زعلت مني وأنت وسط لابــــه

يالــــي تعـلمت بالقلم للكتــــابه...... لو عندك جناحن مـنته مني بطاير
ليش زعلت مني وانت وسط لابه..... كان عندك ضمير من خيار الضماير

مرحبا راعي البلها
بما أن الموضوع في منتدى المحاولات سوف نحاول معك بما يريح الضمير :

يقول الشعرنجي محاكيك أنه قلب البيتين لين تعب وأستقر معه القاف على ما يقارب المعنى ما تعديل ما يلزم والتعديل أشتمل على بعض الإصلاحات الجذرية في الوزن الموسيقي فتحولت البيتين بقدرة قادر إلى :
ياللي تعلق بالقلم ويا الكتابة
لو في جناحك ريشة منتا بـ طاير
تزعل علينا والجمل في وسط لابة
إن كان عندك خافق بين الضماير

وتجد ( ويا ) , ( منتا ) غير مستقرة وكأنها عجمة في الفم .

نقول بالرصد :
يامن _ تاعرف_ بالقلم_ فن الكي_ تابة
ترسم _بي ريشن _طايحن_ مـن_ طيري_طاير
تزعل عـا _ لينا يا _جمل من _ وسطي_ لابة ؟
إن صا _ري عند _ كخاف _قن _ بين الضي_ ماير !

وبالخط :
يامن تعرف بالقلم فن الكتابة
ترسم بريشين طايحين من طير طاير
تزعل علينا ياجمل في وسط لابه ؟!
إن صار عندك خافق بين الضماير !

تأمل كيف تتحول المعاني بين التفكيك والنظم ’ يوجد كلمات مثل طلابة , ونشابة , تزعل على لينا _ إنصى ريع _ ندك خاف القنب _ ينال الضيم _
أشياء كمحتوى مختلط يعرفونها الشعار المحترفين جداً والشياطين . ويتفنون بها .

الشعر يبدأ بالترنم ثم الحساب وبعدها الهندسة ثم التصميم والوزن نهاية بالصوت .
وأهم شي الحساب والهندسة والوزن,, وياكثر اللي ما ينجحون في هالمواد وشافين أنفسهم بعد :)
ولكن ما بشوفون أنفسهم على حسن الصوت والترنم فقط مثل هيفا وهبي وتحية كريوكا :) ناس تهز روسها قدام المكرفون تصير جرةالموال عن حرفين أو ثلاثة وعقب كم سنة مدري وش بتهز !. عقب ماصارت شلل يوزعون هدايا على بعض من باب الميانة .
الموهب الإبداعية من عند الله ولا يصح إلا الصحيح ..

كان الأصمعى عنده عصا .. إذا جاه أحد يسمعه شعر يشرط عليه أنه إذا كان مخطيء يجلده بالعصا ...
وبعض الريجيل ينبط بطن وظهر .. وبعضهم يبرك ما وصل الأصمعى وهو خابر العصا قدامة .

الآن قل على كيفك .. وأنا بقول :)