الى كل غالي
 

هذي ابيات سويتها واهديها الى كل صديق غالي :

سلام الله على حر شهر في عالي المرقاب

ليا ضاقت عليه الارض رقى يم السماء ولجي

سلام خاص من عبر الفضا وعبر الهوا الهباب

ليا هبت ذعاذيع الهوا بكل صوب وفجي

سلام للصديق اللي معي وافي مهو كذاب

صفي القلب ما يبحث عن الزلات محتجي

أنا افرح به ليا من جا يزور وثم دق الباب

على نار بعيد هناك عن اللجات والصجي

فناجيل شقر في لونها وطعمها جذاب

قهوة من شربها عن همومه كلها سجي

وترى فرقا العزيز اللي تحبه تجرح الاعصاب

وحتى القلب من بين الضلوع يصير منشجي

ولاني بسمع الواشي وكلام يفرق الاصحاب

هذا مثل الرمادة لاخذت راحت مع العجي

وترى خوة هل النمة تزيد من الجروح اعطاب

صداقة كنها ملح اجاج امجها مجي

صح لسانك يالذيب

صح اللسانكـ وجهك ابيض قواك الله ..........................

وفااااااااالكـ المليووووون والبيرق..............ههههههههههه