يادريس حطلها من الطعم نوعين = لاننها تسمن ويصفي وبرها
وصى علاها الله وحنا موامـين = الله يكافينـا سبايب خـطرها
نبا نكمل حقها والله يعــيـن = حمله تقدرها وحمله بثرها
حتيش لو تاكل علانا ملايـين = رد التريلـه مايكمل شهرها
دنياً تبا تـفـنـا وحـنا موليــــين = مـن شح فيها قبلنا ما ثمرها
والعبد عند انهايته بين ثنتيـــن = اما كسب دنياه ولا خسرها
والوسم قــرب مابقي غار عشريـيـن = الحسبه الي للخلاوي ذكرها
ابطلب يادريس وانته قل امــين = يغيث ديرتنا ويجلا دهرها
سقواً ليا قالوا من القـوس وايـمـيــن = سيله من الوسمي ملون شجرها
ماطمن الضايـن و شـابـه وفـرقيـن = ما ينشد غب المطر عن مطرها
ادنـاه ثابـت عـن عـسوس الموازين = واقصاه من ميمون جابوا خـبرها
وراحـوا يعـسـون العـجول المشاحين = وشدوا وجاب اعلومهم من حضرها
وسقنا لها القعده وراحـت شلـيخـيـن = كنك علا راع الرحول اتحجرهــا
وضحاً تحــده كـنـها تطلبه ديـــن = لولا عصاه اشتالته في نحـــر ها
نتبع هوا وضـحـن يـجـن الثمانيـن = ندفع لها المقهور محدن قهــــرها
تكسر تبا اللـي مكمـلـن سـن بقليـن = لياهد في زين العرابا عمـــــرها
تبا ربيـعـن فـي طوراف ضرابـين = ولا مشاقير الرمه وتــــــحدرها