الليل يا شعار دوبه دوبه=وكل شاعر ينعرف بسلوبه
وليا بنينا الجدر طوبه طوبه=راح الربيع وجا ربيع ثاني

ودي اسمع كلام اهل الكلام الرفيع=والرجال العوارف زانت اقوالها
والله اني على مفرق طريق سريع=ودي ابخوة الاجواد وسعالها

كان ودك تسمع خل بالك وسيع=والفرس ماركبها غار خيالها
الله انه يعز اهل المقام الرفيع=اشرب الدله اللي جاك فنجالها

ساري على نور القمر ونجومه=يا الصاحب اللي ودنا بعلومه
والقلب ساع انه رمى بهمومه=راح الربيع وجا ربيع ثاني

ما يطب المعارك غار رجل شجيع=شبت النار والابطال تصلالها
الجمل واقف ابحمله على راس ريع=والبعارين مدري وشهي احمالها

الاخ نايف الروقي مساك الله بالخير
انتبه للموال ماهو على لحن الموال الاول
وكذلك كلمة ( رفيع ) سرت ونا اخوك

لاكن اضنك ودك با النوم
بدري يا ولد روق
الليل الليل

انت في السوق تشري فيه ولا تبيع=العرب تشتري وتبيع من مالها
لو تطول المسافه صاحبك ما يضيع=والحمول الثقيله نعرف اجمالها

اعنان ريمه في يدي يا عميلي=وشدادها ثابت حشى ما يميلي
مبغا وصيه دونها يا زميلي=والله يخارج من صواديف الايام

نشتري كل غالي في الزمان المطيع=ون تردت بيوع السوق ما اشقا لها
لو سمعنا الروادي والاذاعه تذيع=بعض الاخبار نفسي ما توى حالها

الاخ نايف الرقي

الختام عندك

صح لسانك وتصبح على خير

ورانا دوام وقبل الدوام الصلاه

تقبل تحيات ابو بندر