خوة كريمين السبال
 

هذه القصيدة لي وقد نُشرت في جريدة الجزيرة في الاجازة الصيفية الماضية ، اقول :

مشتاقن لخوة كريمين السبال ## اللي على العليا تزيد اشواقها

ربع مداهلهم على روس الجبال ## تسمو مع اهل المعرفة بأخلاقها

ما يشربون إلا من الجم الزلال ## الصافي اللي ينسجم بأذواقها

وترى النشامى معرفتهم راس مال ## والصفقه اللي رابح صفاقها

على سلوم اجدادهم طبع ودلال ## الطيب كنه ثابت باعراقها

ربع يشيلون الحمولات الثقال ## والصعب عن درب الوفا ما عاقها

هم للخوي مثل الذرا وإلا الظلال ## وهم للعدا نار قوي احراقها

والمال قله ما يعذرب بالرجال ## والخلق مقسومة جميع ارزاقها

وإلا الردي لو جا له اموال وعيال ## ولو غطت امواله كثير اسواقها

ماله مع اهل المرجلة اية مجال ## ما دام رجله للردية ساقها

ونطلب من الله ربنا ستر الحوال ## ويغفر خطايا بالظهر ما طاقها

وصلوا على محمد عدد وبل الخيال ## وعد السحاب اللي نضا براقها

وســـــــــــــــلامتـــــــــــــــــــــــكـــــ ـــــــــــم

مشاركه وقصيده راااااائعه

شكرا على هذا الجمال

ونتطلع للمزيد من الابداع