عديت في راس الطويلـه وغنيـت=طرق ٍعلى المسحوب وقت العشيّـه
في راسها عديت واقبلت واقفيـت=ارض ٍ خلا من خلق ربـي خليـه
وهاضت هجوس الشعر فيني وسويت=جزل البيـوت اللـي لهـا قابليـه
مما طرالـي قلـت ياليـت ياليـت=وقت ٍ مضى بالحال يرجـع عليّـه
وقت ٍ مضى مع كامل الزين والصيت=اللي بكـل النـاس مابـه حليّـه
يالله ياللـي فارضـن حجةالبيـت=ياعالم المكنـون فـي كـل شيّـه
إلطف بقلبـن حرقتـه التناهيـت=وتلعب به الافكـار روحـه جيّـه
من كثر ما اعاني من البعـد ونيـت=ونّه لهـا فالقلـب خمسيـن كيّـه
طافت سنه يا ناعس الطرف ماجيت=طال انتظـاري واشتياقـي قويّـه
من كثر شوقي لك تشتتت تشتيـت=كنـي مسافـر ضـاع فالمهمهيّـه
انت الغلا في داخل القلب حليـت=ولو تطلب اعيوني تجي لـك هديـه
فدوة اعيونـك ماطلبـت وتمنيـت=اي والـذي كـوّن محبتـك فيّـه

المشاركة الأصلية كتبت بواسطة عبدالله بن دبيس العتيبي (المشاركة 558454) الف شكر لك ياخوي عمر العتيبي وصح السان الشاعر مرزوق حمدان العتيبي وصح السان المنشد وفي انتظار المزيد وتقبل تحياتي

المشاركة الأصلية كتبت بواسطة محب الهيلا (المشاركة 558503) الله يعطيك العافية وصح لسان الشاعر والقدير مرزوق مشكور وماقصرت على النقل